ବ୍ରହ୍ମପୁର ଅଫିସ,୬ା୧୨ -ବ୍ରହ୍ମପୁର ଗୋଷାଣୀ ନୂଆଗଁା ପୋଲିସ ଶନିବାର ଅନ୍ଧପସରା ରୋଡ୍ରେ ଗାଡିମୋଟର ଯାଞ୍ଚବେଳେ ଏକ କାର୍ରୁ ୪କେଜି ସୁନା ଓ ୨୩୫ କେଜି ରୁପା ଅଳଙ୍କାର ଜବତ କରିଥିଲା। ଘଟଣାରେ ସମ୍ପୃକ୍ତ ୩ଜଣଙ୍କୁ ଅଟକ ରଖିବା ସହ କାର ଜବତ କରିଥିଲା। ଏ ନେଇ ପୋଲିସ ସେଲ୍ ଟ୍ୟାକ୍ସର ଜିଏସ୍ଟି ବିଭାଗକୁ ଖବର ଜଣାଇଥିଲା। ଗହଣା ଚାଲାଣକାରୀମାନେ କେତେ ଟଙ୍କାର ଟିକସ ଫାଙ୍କିଥିଲେ ତାହାର ତଦନ୍ତ ଜିଏସଟି ବିଭାଗ କରିଥିଲା। ହିସାବ ପରେ ୨୩ ଲକ୍ଷ ୨୧ହଜାର ୬୬୬ ଟଙ୍କାର ଟିକସ ଫାଙ୍କିଥିବା ଜଣାପଡିଥିଲା। ରବିବାର ସେମାନେ ଉକ୍ତ ଟିକସ ଟଙ୍କା ପୈଠ କରିଥିଲେ ବୋଲି ଗୋଷାଣୀ ନୂଆଗଁା ଥାନା ଅଧିକାରୀ ସୁମିତ ସୋରେନ ସୂଚନା ଦେଇଛନ୍ତି। ଟିକସ ପୈଠ ପରେ ସେମାନେ ଉକ୍ତ ସୁନା ଓ ରୁପା ସାମଗ୍ରୀ ନେଇଯାଇଥିବା ସୋରେନ କହିଛନ୍ତି।