ନୂଆଦିଲ୍ଲୀ,୯ ।୧: ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ସୋମବାର ଅଥାତ୍ ୯ ଜାନୁୟାରୀରେ ସମସ୍ତ ଟେଲିଭିଜନ ଚ୍ୟାନେଲ ପାଇଁ ଏକ ଗାଇଡଲାଇନ ଜାରି କରିଛନ୍ତି । ବିବ୍ରତ କଲାଭଳି ଭିଡିଓ ଓ ଫଟୋଗ୍ରାଫର ପ୍ରସାରଣକୁ ସମସ୍ତ ଟେଲିଭିଜନ ଚ୍ୟାନେଲ ବନ୍ଦ କରିବାକୁ ସରକାର କହିଛନ୍ତି । ଚ୍ୟାନେଲ ଗୁଡିକୁ ସରକାର ଚେତାବନୀ ଦେଇଛନ୍ତି ଯେ ପ୍ରୋଗ୍ରାମ କୋଡ ବିରୋଧରେ ରକ୍ତ, ମୃତଶରୀର ଓ ଶାରିରୀକ ନିର୍ଯ୍ୟାତନାର ଚିତ୍ର କଷ୍ଟକର ବୋଧ ହେଉଛି । ଟେଲିଭିଜନ ଚ୍ୟାନେଲ ଗୁଡିକ ଦ୍ୱାରା ବିବେକ ଅଭାବର ଅନେକ ଘଟଣା ଦେଖାଯିବା ପରେ ମନ୍ତ୍ରଣାଳୟ ଏହି ପରାମର୍ଶ ଦେଇଛି ।
ସୂଚନା ଓ ପ୍ରସାରଣ ମନ୍ତ୍ରଣାଳୟ କହିଛି ଟେଲିଭିଜନ ଚ୍ୟାନେଲ ଗୁଡିକ ଦ୍ୱାରା ସୋସିଆଲ ମିଡିଆରୁ ହିଂସକ ଭିଡିଓକୁ ନେଇ ବିନା ଏଡିଟିଂରେ ତାକୁ ପ୍ରସାରଣ କରାଯାଉଛି । ଏହାର କୁ ପ୍ରଭାବ ମହିଳା ଓ ଶିଶୁଙ୍କ ଉପରେ ଅଧିକ ପଡୁଛି । ମନ୍ତ୍ରଣାଳୟ ଆହୁରି ମଧ୍ୟ କହିଛି ଟେଲିଭିଜନ ଚ୍ୟାନେଲରେ ବ୍ୟକ୍ତିଙ୍କ ମୃତ ଶରୀର ଓ ଚାରିପଟେ ପଡିଥିବା ରକ୍ତର ଛିଟା, ହିଂସା ସହିତ ଦୁର୍ଘଟଣା ଓ ଆହତ ବ୍ୟକ୍ତିଙ୍କ ଫୁଟେଜ ଓ ଫଟୋ ଟେଲିଭିଜନରେ ଦେଖାଯାଉଛି ଯାହା ବିଚଳିତ କରୁଛି ।
ମନ୍ତ୍ରଣାଳୟ କହିଛି ଟେଲିଭିଜନ ଚ୍ୟାନେଲରେ ପ୍ରୋଗ୍ରାମ କୋଡ ବିରୋଧରେ ବ୍ଲଡ, ମୃତଦେହ, ଶାରିରୀକ ଆକ୍ରମଣର ଫଟୋ କଷ୍ଟ ଦାୟକ । ଆଡଭାଇଜରୀରେ କୁହାଯାଇଛି କି ଏମିତି ହିଂସାତ୍ମକ ଓ ବିଚଳିତ କରିବା ଭଳି ଖବର ଶିଶୁ ଓ ମନୋବିଜ୍ଞାନିଙ୍କ ଉପରେ ବିପରିତ ପ୍ରଭାବ ପକାଉଛି । ଏହାର କିଛି ଉଦାହରଣ ବି ସରକାରଙ୍କ ପକ୍ଷରୁ ଦିଆଯାଇଛି ।
ଯେମିତି ୩୦ ।୧୨ ।୨୨ରେ ଦୁର୍ଘଟଣାରେ ଆହତ ହୋଇଥିବା କ୍ରିକେଟରଙ୍କ ଫଟୋକୁ ବିନା ଏଡିଟିଂରେ ପ୍ରସାରଣ କରାଯାଇଥିଲା ।
ବିହାରର ରାଜଧାନୀ ପାଟନାରେ ଜଣେ ୫ ବର୍ଷର ଶିଶୁକୁ କୋଚିଂ କ୍ଲାସରେ ଶିକ୍ଷକ ମାରିବାର ଭିଡିଓକୁ ବିନା ମ୍ୟୁଟରେ ଦେଖାଯାଇଥିଲା । ଏହାର ଅବଧି ଥିଲା ପ୍ରାୟ ୯ ମିନିଟ ।