ଗାନ୍ଧିନଗର,୨୬ ।୯: ଗୁଜରାଟ ବିଧାନସଭା ନିର୍ବାଚନ ପାଇଁ ଆସନ୍ତା ମାସରେ ତାରିଖ ଘୋଷଣା ହୋଇପାରେ । ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ନଭେମ୍ବର ଶେଷ ସପ୍ତାହରେ ନିର୍ବାଚନ ପ୍ରକ୍ରିୟା ଶେଷ ହେବା ଅନୁମାନ କରାଯାଉଛି । ନଭେମ୍ବର ତୃତୀୟ , ଚତୁର୍ଥ ସପ୍ତାହରେ ଭୋଟ ଗ୍ରହଣ ହୋଇପାରେ । ଗୁଜରାଟରେ ଦୁଇଟି ପର୍ଯ୍ୟାୟରେ ମତଦାନ ହେବା ଅନୁମାନ କରାଯାଉଛି ।ମୁଖ୍ୟ ନିର୍ବାଚନ କମିଶନର ଗୁଜରାଟ ଗସ୍ତରେ ଗାନ୍ଧିନଗରରେ ପହଞ୍ଚିଛନ୍ତି । ସେଠାରେ ସେ ଗୃହ ମନ୍ତ୍ରଣାଳୟର ଅଧିକାରୀ, ରାଜ୍ୟର ସମସ୍ତ ଜିଲା କଲେକ୍ଟରଙ୍କ ସହ ବୈଠକ କରିଛନ୍ତି ।
ଏହି ବୈଠକରେ ରାଜ୍ୟ ବିଧାନସଭା ନିର୍ବାଚନ କାର୍ଯ୍ୟକ୍ରମକୁ ଅନ୍ତିମ ରୂପ ଦିଆଯିବ । କେନ୍ଦ୍ର ନିର୍ବାଚନ ଆୟୋଗର ଏକ ଟିମ ଦୁଇ ଦିନିଆ ଗୁଜରାଟ ଗସ୍ତରେ ଅଛନ୍ତି । କେନ୍ଦ୍ରୀୟ ନିର୍ବାଚନ ଆୟୋଗର ସଦସ୍ୟ ନିର୍ବାଚନ ଓ ଭୋଟଗ୍ରହଣର ପ୍ରସ୍ତୁତି ଉପରେ ସମିକ୍ଷା କରିବେ । ଗୁଜରାଟ ବିଧାନସଭା ନିର୍ବାଚନକୁ ନେଇ ମଙ୍ଗଳବାର ୨୭ ତାରିଖ ଦ୍ୱିପ୍ରହରରେ କେନ୍ଦ୍ର ନିର୍ବାଚନ କମିଶନ ପ୍ରେସ କନଫରେନ୍ସ କରିବେ ।