ଲଦାଖ,୧୩।୮: କେନ୍ଦ୍ର ସରକାରଙ୍କ ଆଜାଦୀର ଅମୃତ ମହୋତ୍ସବ ଅବସରରେ ଦେଶବ୍ୟାପୀ ‘ହର ଘର ତିରଙ୍ଗା’ ଅଭିଯାନରେ ଆଇଟିବିପି ଯବାନ ମଧ୍ୟ ସାମିଲ ହୋଇଛନ୍ତି। ଲଦାଖରେ ୧୮,୪୦୦ ଫୁଟ ଉଚ୍ଚରେ ଆଇଟିବିପି ଯବାନ ତ୍ରିରଙ୍ଗା ପତାକା ଉଡାଇଥିବା ଦେଖିବାକୁ ମିଳିଛି। ଏହି ଐତିହାସିକ ପର୍ବ ଅବସରରେ କେନ୍ଦ୍ର ସରକାର ଦେଶବାସୀଙ୍କୁ ଅଗଷ୍ଟ ୧୩ରୁ ଅଗଷ୍ଟ ୧୫ ପର୍ଯ୍ୟନ୍ତ ଉକ୍ତ ଅଭିଯାନରେ ସାମିଲ ହୋଇ ନିଜ ଘରେ ତ୍ରିରଙ୍ଗା ପତାକା ଲଗାଇବାକୁ ଆହ୍ବାନ ଦେଇଛନ୍ତି। ଏହି ଅଭିଯାନରେ ୨୦କୋଟି ଘରେ ତ୍ରିରଙ୍ଗା ଉଡାଇବାକୁ ଲକ୍ଷ୍ୟ ରଖାଯାଇଛି।