ନୂଆଦିଲ୍ଲୀ, ୫।୧୦: ଉତ୍ତରପ୍ରଦେଶ ହାଥରସ୍ ମାମଲାରେ ଗୋଇନ୍ଦା ବିଭାଗ ବଡ଼ ଷଡ଼ଯନ୍ତ୍ର ସମ୍ପର୍କରେ ଗୁପ୍ତ ତଥ୍ୟ ହାସଲ କରିଛି। ଉତ୍ତରପ୍ରଦେଶରେ ସାମ୍ପ୍ରଦାୟିକ ଦଙ୍ଗା ଲାଗି ରାତା ରାତି ଓ୍ବେବସାଇଟ୍ ତିଆରି କରାଯାଇଥିବା ଘଟଣାର ପର୍ଦ୍ଦାଫାଶ୍ ହୋଇଛି। ହାଥରସ୍ ଘଟଣାକୁ ନେଇ ଏଭଳି ଷଡ଼ଯନ୍ତ୍ର କରାଯାଇଥିବା କୁହାଯାଉଛି। ଏମ୍ନେଷ୍ଟି ଇଣ୍ଟରନ୍ୟାଶନାଲ୍ ନାମକ ଏକ ସଂଗଠନ ପକ୍ଷରୁ ଏହି ଓ୍ବେବସାଇଟ୍ ବିକଶିତ କରାଯାଇଛି। ଏହା ମାଧ୍ୟମରେ ଇସଲାମିକ୍ ଦେଶଗୁଡ଼ିକରୁ ପାଣ୍ଠି ମଧ୍ୟ ସଂଗ୍ରହ କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥଙ୍କ ସରକାରକୁ ବଦନାମ କରାଇବା ଲାଗି ଜଷ୍ଟିସ୍ ଫର୍ ହାଥରସ୍ ନାମକ ଓ୍ବେବସାଇଟ୍ ତିଆରି କରାଯାଇଥିବା ଗୋଇନ୍ଦା ବିଭାଗ ପକ୍ଷରୁ କୁହାଯାଇଛି। ନକଲି ଆଇଡିରେ ଲୋକଙ୍କୁ ଏହି ଓ୍ବେବସାଇଟ୍ରେ ଯୋଡ଼ା ଯାଇଥିଲା। ଦଙ୍ଗା ପରେ କିଭଳି ଖସି ହେବ ସେ ନେଇ ମଧ୍ୟ ଆବଶ୍ୟକ ସୂଚନା ଏହି ଓ୍ବେବସାଇଟ୍ରେ ଥିବା ଗୋଇନ୍ଦା ବିଭାଗ ପକ୍ଷରୁ କୁହାଯାଇଛି। ଆମେରିକା ହୋଇଥିବା ଦଙ୍ଗା ଭଳି ଉତ୍ତରପ୍ରଦେଶରେ ମଧ୍ୟ ଦଙ୍ଗା କରାଯିବାର ଷଡ଼ଯନ୍ତ୍ର କରାଯାଇଥିବା ଗୋଇନ୍ଦା ବିଭାଗ କହିଛି।