ପ୍ରୟାଗରାଜ, ୭।୮ : ଆହ୍ଲାବାଦ ହାଇକୋର୍ଟ ଏକ ଆଦେଶରେ କହିଛନ୍ତି ଯେ ଭାରତୀୟ ଆଇନ ବ୍ୟବସ୍ଥାରେ ଦୋଷୀ ସାବ୍ୟସ୍ତ ବ୍ୟକ୍ତିଙ୍କର ମଧ୍ୟ ଅଧ୍ୟୟନ ଜାରି ରଖିବା ଏବଂ ଜେଲରୁ ପରୀକ୍ଷାରେ ହାଜର ହେବାର ଅଧିକାର ରହିଛି। ଯାହାଫଳରେ ସେ ସମାଜର ମୁଖ୍ୟ ସ୍ରୋତରେ ସାମିଲ ହୋଇ ପାରିବେ। ଜଷ୍ଟିସ ନୀରଜ ତିୱାରୀ ଆଲିଗଡ ମୁସଲିମ ବିଶ୍ୱବିଦ୍ୟାଳୟକୁ ପରବର୍ତ୍ତୀ ତାରିଖରେ ହାଇକୋର୍ଟଙ୍କୁ ଜଣାଇବାକୁ ନିର୍ଦ୍ଦେଶ ଦେଇଛନ୍ତି ଯେ ଆବେଦନକାରୀ ବିଶ୍ୱବିଦ୍ୟାଳୟର ଶୃଙ୍ଖଳା ଭଙ୍ଗ ନକରି କିପରି ତାଙ୍କର ବିଏ ଏଲଏଲବି ପାଠ୍ୟକ୍ରମ ସମାପ୍ତ କରିବେ।
ଆଇନ ଛାତ୍ର ଆଦିଲ ଖାନଙ୍କୁ ବିଶ୍ୱବିଦ୍ୟାଳୟରୁ କରି ଦିଆଯାଇଥିଲା ଏବଂ ବିଶ୍ୱବିଦ୍ୟାଳୟ ପ୍ରଶାସନ ଦ୍ୱାରା ତାଙ୍କର ଦ୍ୱିଏ ଏଲଏଲବି ପାଠ୍ୟକ୍ରମ ଶେଷ କରିବାକୁ ମନା କରିଦିଆ ଯାଇଥିଲା। ମାମଲାର ତଥ୍ୟ ଅନୁଯାୟୀ, ବିଏ ଏଲଏଲବି ପାଞ୍ଚ ବର୍ଷର ପାଠ୍ୟକ୍ରମର ଛାତ୍ର ଆଦିଲ ଖାନ ସପ୍ତମ ସେମିଷ୍ଟାର ପରୀକ୍ଷାରେ ହାଜର ହୋଇଥିଲେ କିନ୍ତୁ ଏହି ସେମିଷ୍ଟାର ପରୀକ୍ଷାର ଫଳାଫଳ ଘୋଷଣା କରାଯାଇ ନ ଥିଲା ଏବଂ ସେ ୪ ସେପ୍ଟେମ୍ବରରେ ୨୦୧୯ରେ ବିଶ୍ୱବିଦ୍ୟାଳୟ ଦ୍ୱାରା ବହିଷ୍କୃତ ହୋଇଥିଲେ।
ଇତିମଧ୍ୟରେ ତିନି ବର୍ଷ ବିତି ଯାଇଛି। ଆବେଦନକାରୀ ମଧ୍ୟ ଅଧ୍ୟୟନ ସମୟରେ ଅନୁଶାସନ ଏବଂ ଉତ୍ତମ ଆଚରଣ ବଜାୟ ରଖିବେ ବୋଲି ଏକ ସତ୍ୟପାଠ ଦାଖଲ କରିଛନ୍ତି। କୋର୍ଟ ତାଙ୍କ ଆଦେଶରେ କହିଛନ୍ତି ଯେ ଭାରତୀୟ ଆଇନ ଏବଂ ଆଦେଶରେ କୌଣସି ବିବାଦ ନାହିଁ ଯେ ଦୋଷୀ ସାବ୍ୟସ୍ତ ବ୍ୟକ୍ତିଙ୍କ ମଧ୍ୟ ଅଧ୍ୟୟନ ଜାରି ରଖିବା ଏବଂ ଜେଲରୁ ପରୀକ୍ଷାରେ ହାଜର ହେବାର ଅଧିକାର ରହିଛି। କୌଣସି ବ୍ୟକ୍ତିଙ୍କୁ ଦିଆଯାଇଥିବା ଦଣ୍ଡ ସୁଧାରାତ୍ମକ ହେବା ଅପରିହାର୍ଯ୍ୟ। ଏଥିରେ ପକ୍ଷପାତିତ ହେବା ଉଚିତ ନୁହେଁ । ଆବେଦନକାରୀଙ୍କୁ ଅଧ୍ୟୟନ ସମାପ୍ତ କରିବାକୁ ମନା କରିବା ଦ୍ୱାରା ତାଙ୍କ କ୍ୟାରିୟର ନଷ୍ଟ ହେବାର ଆଶଙ୍କା ରହିଛି ବୋଲି କୋର୍ଟ କହିଛନ୍ତି।
କୋର୍ଟ କହିଛନ୍ତି, ନିଶ୍ଚିତ ଭାବରେ ଆବେଦନକାରୀ ଜଣେ ଯୁବ ଛାତ୍ର ଏବଂ ତାଙ୍କୁ ନିଜକୁ ସୁଧାର କରିବା ଏବଂ ଜୀବନରେ ସଠିକ ପଥରେ ଚାଲିବା ପାଇଁ ସୁଯୋଗ ଦିଆଯିବା ଉଚିତ। ବର୍ତ୍ତମାନ ମାମଲାରେ, ଆବେଦନକାରୀ ଜଣେ ଦୋଷୀ ବ୍ୟକ୍ତି ନୁହଁନ୍ତି ଏବଂ ତାଙ୍କର ଅଧ୍ୟୟନ ସମାପ୍ତ କରିବାର ଅଧିକାର ରହିଛି। ’କୋର୍ଟ ଏହି ମାମଲାରେ ପରବର୍ତ୍ତୀ ଶୁଣାଣି ତାରିଖ ଭାବରେ ଅଗଷ୍ଟ ୧୭ କୁ ସ୍ଥିର କରିଛନ୍ତି।
