ନୂଆଦିଲ୍ଲୀ,୨ ।୮: ଟାଟା ଗ୍ରୁପର ବିମାନ କମ୍ପାନୀ ଏୟାର ଇଣ୍ଡିଆ ଏବେ ତା’ର ପାଇଲଟଙ୍କୁ ୬୫ ବର୍ଷ ବୟସ ପର୍ଯ୍ୟନ୍ତ ବିମାନ ଉଡାଇବାର ଅନୁମତି ଦେବାକୁ ନିଷ୍ପତ୍ତି ନେଇଛି । ଏଥିପାଇଁ କମ୍ପାନୀ ପକ୍ଷରୁ ନୂଆ ନୀତି ଆସିଛି । ଏହି ନୂଆ ନୀତି ଅନୁଯାୟୀ, ଏୟାର ଇଣ୍ଡିଆ ମନୋନୀତ ପାଇଲଟଙ୍କୁ ଅବସର ନେବାପରେ ୫ ବର୍ଷ ପାଇଁ କଣ୍ଟ୍ରାକ୍ଟ ବେସିସରେ ସେବା କରିବାର ସୁଯୋଗ ଦେବ । ଏଥିରେ ଜଣେ ପାଇଲଟ ୬୫ ବର୍ଷ ବୟସ ପର୍ଯ୍ୟନ୍ତ ସେବା ଯୋଗାଇ ପାରିବେ । ଟାଟା ଗ୍ରୁପର ସୂଚନା ଅନୁଯାୟୀ, କମ୍ପାନୀ ତା’ର ବିମାନ ଉଡାଣକୁ ସମ୍ପ୍ରସାରଣ କରିବାର ଯୋଜନା ରଖିଥିବାରୁ ଏଭଳି ନିଷ୍ପତ୍ତି ନେଇଥିବା ଜଣାପଡିଛି ।
ଏହାର ଇଣ୍ଡିଆର ମାନବ ସମ୍ବଳ ବିଭାଗର ମୁଖ୍ୟଙ୍କ ପକ୍ଷରୁ ଜାରି କରାଯାଇଥିବା ପତ୍ରରେ କୁହାଯାଇଛି, ଏୟାର ଇଣ୍ଡିଆ ବର୍ତ୍ତମାନ ପାଇଲଟଙ୍କ ଅବସର ବୟସ ୫୮ ବର୍ଷ ରଖିଛି । ହେଲେ କମ୍ପାନୀ ଏହାର ବିମାନ ସଂଖ୍ୟାକୁ ବଢାଇବାକୁ ଚିନ୍ତା କରିଥିବାରୁ ଅବସର ପରେ ମଧ୍ୟ ପାଇଲଟଙ୍କୁ ସେବା ଯୋଗାଇ ଦେବା ଲାଗି ଏହି ନୂଆ ନିୟମ ଆଣିଛି ।