ଥିରୁଭାନନ୍ତପୁରମ୍,୨୭।୧୧: ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଟି-୨୦ରେ ଯଶସ୍ବୀ ଜୟସ୍ବାଲ ସ୍ଅର୍ଦ୍ଧଶତକ ହାସଲ କରିଥିଲେ। ଜୟସ୍ବାଲ ୯ ଚୌକା ଓ ୨ ଛକା ସହାୟତାରେ ୨୫ ବଲରେ ୫୩ ରନ ସ୍କୋର କରିଥିଲେ। ଅନ୍ତର୍ଜାତୀୟ ଟି-୨୦ରେ ଭାରତ ପାଇଁ ଅର୍ଦ୍ଧଶତକ ହାସଲ କରିଥିବା ଜୟସ୍ବାଲ ତୃତୀୟ ଖେଳାଳି ହୋଇଥିଲେ।
୨୦୨୦ରେ ହାମିଲଟନରେ ନ୍ୟୁଜିଲାଣ୍ଡ ବିପକ୍ଷରେ ଖେଳାଯାଇଥିବା ଅନ୍ତର୍ଜାତୀୟ ଟି-୨୦ ମ୍ୟାଚର ପାୱାରପ୍ଲେରେ ଅର୍ଦ୍ଧଶତକ ହାସଲ କରିଥିବା ଭାରତ ପାଇଁ ରୋହିତ ଶର୍ମା ପ୍ରଥମ ହୋଇଥିଲେ। ପାୱାରପ୍ଲେରେ ୨୩ଟି ବଲରେ ହିଟମ୍ୟାନ ଅପରାଜିତ ୫୦ ରନ ସ୍କୋର କରିଥିଲେ। ଏହା ପରେ ୨୦୨୧ରେ ଦୁବାଇରେ ସ୍କଟଲାଣ୍ଡ ବିପକ୍ଷରେ ଖେଳାଯାଇଥିବା ଅନ୍ତର୍ଜାତୀୟ ଟି-୨୦ ମ୍ୟାଚରେ ପାୱାରପ୍ଲେରେ କେ.ଏଲ ରାହୁଲ ୧୯ଟି ବଲରେ ୫୦ ରନ ସ୍କୋର କରିଥିଲେ।
ଅନ୍ତର୍ଜାତୀୟ ଟି-୨୦ରେ ଭାରତ ପାଇଁ ପାୱାରପ୍ଲେରେ ଅର୍ଦ୍ଧଶତକ ହାସଲ କରିଥିବା ଖେଳାଳି
୫୩ (୨୫ ବଲ) – ଯଶସ୍ବୀ ଜୟସ୍ବାଲ ବନାମ ଅଷ୍ଟ୍ରେଲିଆ, ଥିରୁଭାନନ୍ତପୁରମ,୨୦୨୩
୫୦(୧୯ ବଲ) – କେ.ଏଲ ରାହୁଲ ବନାମ ସ୍କଟଲାଣ୍ଡ, ଦୁବାଇ,୨୦୨୧
୫୦ (୨୩ ବଲ) – ରୋହିତ ଶର୍ମା ବନାମ ନ୍ୟୁଜିଲାଣ୍ଡ, ହାମିଲଟନ, ୨୦୨୦
ଏହା ବ୍ୟତୀତ ଯଶସ୍ବୀ ଜୟସ୍ବାଲ ବିରାଟ କୋହଲିଙ୍କ ସ୍ବତନ୍ତ୍ର ରେକର୍ଡ ସହିତ ସମକକ୍ଷ ହୋଇଥିଲେ। ଜୟସ୍ବାଲ ତାଙ୍କ ଇନିଂସରେ ୯ ଚୌକା ମାରିଥିଲେ। ଏହାପୂର୍ବରୁ ଭାରତ ପାଇଁ ବିରାଟ କୋହଲି ଅନ୍ତର୍ଜାତୀୟ ଟି-୨୦ରେ ପାୱାରପ୍ଲେରେ ସର୍ବାଧିକ ୯ ଚୌକା ମାରିବାର ରେକର୍ଡ ରଖିଥିଲେ। ବର୍ତ୍ତମାନ ଜୟସ୍ବାଲ ତାଙ୍କ ସହ ସମକକ୍ଷ ହୋଇଛନ୍ତି।