କେନ୍ଦୁଝର,୧୭ା୬(ସ୍ବ.ପ୍ର.): ସ୍ଥାନୀୟ ଏସ୍ପି ଅଫିସ ପରିସରରେ ଜଣେ ମହିଳା ଆତ୍ମହତ୍ୟା ଉଦ୍ୟମ ସମୟରେ ପୋଲିସ କାବୁ କରିଛି। ନିଜର ନାବାଳିକା ଝିଅକୁ ଅପହରଣ କରିନେଇଥିବା ଯୁବକଙ୍କୁ ଧରିବା ଏବଂ ଝିଅକୁ ଫେରାଇ ଆଣିବା ପାଇଁ ନିବେଦନ କରି ଆସୁଥିବା ସ୍ଥାନୀୟ ମଣ୍ଡୁଆ ଅଞ୍ଚଳର ଜଣେ ମହିଳା ଆଜି ଏସ୍ପିଙ୍କୁ ନ୍ୟାୟ ପାଇଁ ଭେଟିବାକୁ ଯାଇଥିବା ବେଳେ ପୋଲିସ ତାଙ୍କୁ ଅଟକାଇଥିଲା। ଫଳରେ କିଛି ସମୟ ପାଇଁ ଜିଲା ପୋଲିସ ମୁଖ୍ୟ କାର୍ଯ୍ୟାଳୟ ପରିସରରେ ଅପ୍ରୀତିକର ପରିସ୍ଥିତି ଦେଖାଦେଇଥିଲା। ପୋଲିସ ନାବାଳିକାଙ୍କୁ ଉଦ୍ଧାର କରିଥିଲେ ହେଁ ଜାମିନରେ ଯାଇଥିବା ଅଭିଯୁକ୍ତ ପୁଣି ଥରେ ଅପହରଣ କରି ନେଇଥିବା ଅଭିଯୋଗ ହୋଇଥିଲା। ଉଦ୍ଧାର କରିବାରେ ବିଳମ୍ବ ହେଉଥିବାରୁ ନାବାଳିକାଙ୍କ ମା’ ଏସ୍ପିଙ୍କୁ ଅଭିଯୋଗ କରିବାକୁ ଆଜି ଯାଇଥିଲେ। ଉକ୍ତ ଯୁବକ ମଧ୍ୟ ଟାଉନ ଥାନା ଅଞ୍ଚଳର ବୋଲି ଜଣାପଡ଼ିଛି। ପୋଲିସ ଆଗରୁ ଉକ୍ତ ଯୁବକଙ୍କୁ ଗିରଫ କରିବା ସହ ନାବାଳିକାଙ୍କୁ ଉଦ୍ଧାର କରି ସୁଧାର ଗୃହରେ ରଖି ପରେ ପରିବାର ଲୋକେ ଘରକୁ ଆଣି ଆସିଥିଲେ। ଜାମିନରେ ଯାଇଥିବା ଅଭିଯୁକ୍ତ ପୁଣି ଥରେ ଉକ୍ତ ନାବାଳିକାଙ୍କୁ ଅପହରଣ କରି ନେଇଯାଇଥିବା ପରିବାର ଲୋକ ପୋଲିସର ଦାରସ୍ଥ ହୋଇଥିଲେ। ତେବେ ନାବାଳିକାଙ୍କୁ ଉଦ୍ଧାର ଓ ଅଭିଯୁକ୍ତଙ୍କୁ ଗିରଫ କରିବାରେ ବିଳମ୍ବ ହେଉଥିବାରୁ ଏହାର ପ୍ରତିବାଦରେ ନାବାଳିକାଙ୍କ ମା’ ଏସ୍ପିଙ୍କ ଦ୍ବାରସ୍ଥ ହୋଇଥିଲେ। ଏହି ସମୟରେ ଏପରି ଅପ୍ରୀତିକରର ପରିସ୍ଥିତି ସୃଷ୍ଟି ହୋଇଥିଲା।