ଅଧା ବାଟରେ ଏମ୍‌ଡିଏମ୍‌ ଚାଉଳ ହଡ଼ପ

ଯାଜପୁର ଅଫିସ,୨୫ା୩: ସରକାର ପ୍ରାଥମିକ ଶିକ୍ଷାକୁ ଶିକ୍ଷା ଅଧିକାର ଆଇନରେ ଅନ୍ତର୍ଭୁକ୍ତ କରି ସାର୍ବଜନୀନ କରିବାକୁ ଗୁରୁତ୍ୱ ଦେଉଛନ୍ତି। ଏହିକ୍ରମରେ ପିଲାମାନଙ୍କୁ ସ୍କୁଲ ଓ ଅଙ୍ଗନଓ୍ବାଡି କେନ୍ଦ୍ର ପ୍ରତି ଆକୃଷ୍ଟ କରିବାକୁ ମଧ୍ୟାହ୍ନ ଭୋଜନ (ଏମ୍‌ଡିଏମ୍‌) ଯୋଜନା ପ୍ରଣୟନ ହୋଇଛି। ୨୦୨୧ ଜୁଲାଇରୁ ପ୍ରଧାନମନ୍ତ୍ରୀ ପୋଷଣ ଯୋଜନାରେ ପିଲାମାନଙ୍କୁ ପୁଷ୍ଟିକର ଚାଉଳ ପ୍ରଦାନ କରାଯାଉଛି। ଏହି ଚାଉଳକୁ ଗୋଦାମ ଘରୁ ସିଧାସଳଖ ସ୍କୁଲରେ ପହଞ୍ଚାଇବାକୁ ଜିଲା ଶିକ୍ଷା ବିଭାଗ ଏବଂ ଜିଲା ସମାଜ କଲ୍ୟାଣ ବିଭାଗ ପକ୍ଷରୁ ପରିବହନ ଠିକାସଂସ୍ଥାଙ୍କୁ ନିୟୋଜିତ କରାଯାଇଛି। କିନ୍ତୁ ମଧ୍ୟାହ୍ନ ଭୋଜନ ଚାଉଳ ଅଧାବାଟରେ ଗାଏବ ହେଉଥିବା ବିଭିନ୍ନ ମହଲରେ ଅଭିଯୋଗ ହେଉଛି। କୁଇଣ୍ଟାଲ ପିଛା ୧୦ରୁ ୧୫ କେଜି କମ୍‌ ଯୋଗାଣ କରି ଠିକାସଂସ୍ଥା ମାଲାମାଲ ହେଉଛନ୍ତି। ଫଳରେ ପିଲାଙ୍କ ଭାତଥାଳିକୁ ମାସକୁ ନିର୍ଦ୍ଧାରିତ ୩ କେଜି ବଦଳରେ ପ୍ରାୟ ୨ କେଜି ଚାଉଳ ଦେବାକୁ ସ୍କୁଲ କର୍ତ୍ତୃପକ୍ଷ ବାଧ୍ୟ ହେଉଛନ୍ତି। ପିଲାଙ୍କ ପେଟରୁ କାଢ଼ି ସେହି ଚାଉଳ ବାହାରେ ବିକ୍ରି ହେଉଥିବାବେଳେ ଅସାଧୁ କର୍ମଚାରୀଙ୍କ ସହଯୋଗ ରହୁଥିବାରୁ ଯେତେ ଯାହା ଅଭିଯୋଗ କଲେ ମଧ୍ୟ କିଛି ସୁଫଳ ମିଳୁ ନାହିଁ ବୋଲି ଅଭିଭାବକମାନେ କହୁଛନ୍ତି।
ରାଜ୍ୟର ୯ ଜିଲାରେ ୧୫ ଲକ୍ଷ ୬୮ ହଜାର ପ୍ରାଥମିକ ଓ ଉଚ୍ଚ ପ୍ରାଥମିକ ଛାତ୍ରୀଛାତ୍ରଙ୍କ ପାଇଁ ମାସିକ ୪୪୩୫.୬୩ ମେଟ୍ରିକ ଟନ ଚାଉଳ ଯୋଗାଣ କରିବାକୁ ନିର୍ଦ୍ଦେଶ ହୋଇଛି। ହେଲେ ସେଥିରୁ ୧୦% ରୁ ଅଧିକ ଚାଉଳ ହଡ଼ପ କରାଯାଉଛି। ଅନୁଗୋଳ, କଟକ, ଜଗତ୍‌ସିଂହପୁର, ଯାଜପୁର, କନ୍ଧମାଳ, କେନ୍ଦ୍ରାପଡ଼ା, କେନ୍ଦୁଝର, ମୟୂରଭଞ୍ଜ ଓ ସୁନ୍ଦରଗଡ଼ ଜିଲା ଯୋଗାଣ ଅଧିକାରୀମାନଙ୍କୁ ପୁଷ୍ଟିକର ଚାଉଳ ଯୋଗାଇ ଦେବାକୁ ସୋମବାର ଯୋଗାଣ ନିଗମର ପରିଚାଳନା ନିର୍ଦ୍ଦେଶକ(ଏମ୍‌ଡି) ବିଶ୍ୱଜିତ କେଶରୀ ଦାସ ନିର୍ଦ୍ଦେଶ ଜାରି କରିଛନ୍ତି। ପ୍ରଧାନମନ୍ତ୍ରୀ ପୋଷଣ କାର୍ଯ୍ୟକ୍ରମରେ ଏହି ଚାଉଳ ଯୋଗାଇ ଦିଆଯିବ ଏବଂ କୁଇଣ୍ଟାଲ ପିଛା ବର୍ଦ୍ଧିତ ୭୩ ଟଙ୍କା ଶିକ୍ଷା ମନ୍ତ୍ରଣାଳୟ ପକ୍ଷରୁ ପ୍ରଦାନ କରାଯିବ ବୋଲି ସେ ସୂଚନା ଦେଇଛନ୍ତି। ତେଣୁ ଏହି କାର୍ଯ୍ୟକ୍ରମରେ ଆବଶ୍ୟକ ପୁଷ୍ଟିକର ଚାଉଳ ମହଜୁଦ ରଖିବା ସହ ପ୍ରୁଡେଣ୍ଟ ମୁଭମେଣ୍ଟ ପ୍ଲାନ(ପିଏମ୍‌ପି) ଜରିଆରେ ପରିବହନ କରିବାକୁ ନିର୍ଦ୍ଦେଶ ଜାରି କରିଛନ୍ତି। ଏଥିରେ ମାସିକ ପ୍ରାଥମିକ ଓ ଉଚ୍ଚ ପ୍ରାଥମିକ ସ୍କୁଲ ସ୍ତରରେ ଅନୁଗୋଳ ଜିଲାର ୧,୨୧,୭୦୨ ଛାତ୍ରୀଛାତ୍ରଙ୍କ ପାଇଁ ୩୪୫.୫୭ କୁଇଣ୍ଟାଲ, କଟକ ଜିଲାର ୧,୯୪,୧୫୪ ଛାତ୍ରୀଛାତ୍ରଙ୍କ ପାଇଁ ୫୫୪.୬୮ କୁଇଣ୍ଟାଲ, ଜଗତ୍‌ସିଂହପୁର ଜିଲାର ୮୪,୨୭୪ ଛାତ୍ରୀଛାତ୍ରଙ୍କ ପାଇଁ ୨୩୮.୩୪ କୁଇଣ୍ଟାଲ, ଯାଜପୁର ଜିଲାର ୨,୦୪,୪୨୬ ଛାତ୍ରୀଛାତ୍ରଙ୍କ ପାଇଁ ୫୮୦.୫୨ କୁଇଣ୍ଟାଲ, କନ୍ଧମାଳ ଜିଲାର ୧,୧୦,୭୨୫ ଛାତ୍ରୀଛାତ୍ରଙ୍କ ପାଇଁ ୩୦୯.୯୯ କୁଇଣ୍ଟାଲ, କେନ୍ଦ୍ରାପଡା ଜିଲାର ୧,୫୦,୩୪୨ ଜଣଙ୍କ ପାଇଁ ୪୨୩.୫୪ କୁଇଣ୍ଟାଲ, କେନ୍ଦୁଝର ଜିଲାର ୨,୨୦,୬୬୩ ଜଣଙ୍କ ପାଇଁ ୬୨୧.୨୦ କୁଇଣ୍ଟାଲ, ମୟୂରଭଞ୍ଜ ଜିଲାର ୨,୯୮,୪୪୬ ଜଣଙ୍କ ପାଇଁ ୮୪୦.୧୪ କୁଇଣ୍ଟାଲ ଏବଂ ସୁନ୍ଦରଗଡ଼ ଜିଲାର ୧,୮୩,୨୬୮ ଛାତ୍ରୀଛାତ୍ରଙ୍କ ପାଇଁ ୫୨୧.୬୫ କୁଇଣ୍ଟାଲ ପୁଷ୍ଟିକର ଚାଉଳ ଯୋଗାଇ ଦେବାକୁ ନିର୍ଦ୍ଦେଶରେ ଦର୍ଶାଯାଇଛି। କୁଇଣ୍ଟାଲ ପିଛା ଚାଉଳ ପରିବହନ କରିବା ପାଇଁ ବିଭିନ୍ନ ସ୍ତରରେ ୭୫ରୁ ୧୦୦ ଟଙ୍କା ପର୍ଯ୍ୟନ୍ତ ଧାର୍ଯ୍ୟ କରାଯାଇ ଟେଣ୍ଡର ଆହ୍ବାନ କରାଯାଉଛି। କିନ୍ତୁ କୁଇଣ୍ଟାଲ ପିଛା ତାହାର ପ୍ରାୟ ୫୦% କମ୍‌ ଦରରେ ଟେଣ୍ଡର ପକାଇ ଠିକା ହାସଲ କରୁଛନ୍ତି। ଏତେ କମ୍‌ ହାରରେ ଠିକା ନେବା ପରେ ପରିବହନ ସଂସ୍ଥା ଚାଉଳ କାଢ଼ି ଲାଭବାନ ହେଉଛନ୍ତି। ଫଳରେ ଗରିବ ପିଲାଙ୍କ ପେଟ ଏଥିରେ ପୂରୁ ନ ଥିବା ଅଭିଯୋଗ ହେଉଛି। ଏପରି ଭାବେ ପ୍ରଧାନମନ୍ତ୍ରୀ ପୋଷଣ କାର୍ଯ୍ୟକ୍ରମରେ ଏମ୍‌ଡିଏମ୍‌ ବାଟବଣା ହେଉଥିବାରୁ ସ୍କୁଲରେ ଛାତ୍ରୀଛାତ୍ର ସଂଖ୍ୟା ହ୍ରାସ ପାଉୁଛି। ଏହାସହ ଗୋଦାମରୁ ଚାଉଳ ଉଠାଇବା ପରେ ସେହି ଚାଉଳକୁ ବଦଳ କରି ପରିବହନକାରୀ ସଂସ୍ଥା କମ୍‌ ଓଜନ ବିଶିଷ୍ଟ ଏବଂ ନିମ୍ନମାନର ଅନ୍ୟ ଚାଉଳ ସ୍କୁଲ ଓ ଅଙ୍ଗନଓ୍ବାଡି କେନ୍ଦ୍ରକୁ ଯୋଗାଉଥିବା ଅଭିଯୋଗ ହେଉଛି। ନିଜ ନାମ ଗୋପନ ରଖିବା ସର୍ତ୍ତରେ କେତେଜଣ ଅଭିଭାବକ କୁହନ୍ତି, ବର୍ତ୍ତମାନ ସ୍କୁଲରେ ମଧ୍ୟାହ୍ନ ଭୋଜନ ରନ୍ଧା ହେଉ ନାହିଁ। ତେଣୁ ଅଭିଭାବକମାନେ ସ୍କୁଲକୁ ଯାଇ ଚାଉଳ ଆଣୁଛନ୍ତି। ନିର୍ଦ୍ଧାରିତ ଚାଉଳଠାରୁ କମ୍‌ ଚାଉଳ ଦେଉଥିବା ଅଭିଯୋଗ କଲେ ପରିବହନକାରୀ ସଂସ୍ଥା ଯେଉଁ ହାରରେ ଚାଉଳ ଦେଉଛନ୍ତି ସେହି ଆଧାରରେ ଚାଉଳ ବଣ୍ଟନ ହେଉଥିବା ଉତ୍ତର ମିଳୁଛି ବୋଲି ସେମାନେ କହିଛନ୍ତି। ଯାଜପୁର ଜିଲା ସମାଜ କଲ୍ୟାଣ ଅଧିକାରୀ ସୁବାସ ସାମଲଙ୍କୁ ପଚାରିବାରେ ସେ କହିଛନ୍ତି, ପରିବହନ ଠିକାସଂସ୍ଥା ଯଦି କମ୍‌ ଚାଉଳ ଦେଉଛନ୍ତି ତେବେ ସ୍କୁଲ ଓ ଅଙ୍ଗନଓ୍ବାଡି କେନ୍ଦ୍ର କର୍ତ୍ତୃପକ୍ଷ କାହିଁକି ଚାଉଳ ଗ୍ରହଣ କରୁଛନ୍ତି। ଏଥିରେ ସେମାନେ ମନା କରିବା ଉଚିତ। ଯଦି ଏଭଳି ଅଭିଯୋଗ ଆସେ ତେବେ ନିଶ୍ଚିତ ଭାବେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।


Enter your email to get our daily news in your inbox.

All Right Reserved By Dharitri.Com

୨୦୦ ଆପରାଧିକ ମାମଲା, ୧୬୦ ସରକାରୀ ବାବୁ ଗିରଫ

ଭୁବନେଶ୍ୱର,୧ା୧(ସତ୍ୟଜିତ୍‌ ରାଉତ):ସରକାରୀ ଅର୍ଥ ଆତ୍ମସାତ୍‌ ହେଉ କିମ୍ବା ଆୟ ବହିର୍ଭୂତ ସମ୍ପତ୍ତି ଠୁଳ ସହ ଲାଞ୍ଚ ମାମଲା। ଦୁର୍ନୀତିଗ୍ରସ୍ତ ସରକାରୀ ବାବୁମାନେ ଭିଜିଲାନ୍ସ ଜାଲରେ ଫସିବା...

ଆଜିଠୁ ଅଚଳ ହେବ ୩ ବର୍ଗର ବ୍ୟାଙ୍କ ଆକାଉଣ୍ଟ: ଆର୍‌ବିଆଇ

ଭୁବନେଶ୍ୱର,୧ା୧(ଅନୁରାଧା ମହାରଣା): ୨୦୨୫ର ପ୍ରଥମ ଦିନରୁ ବ୍ୟାଙ୍କ କାରବାର ସମ୍ପର୍କିତ ଅନେକ ନିୟମ ପରିବର୍ତ୍ତନ ହେବାକୁ ଯାଉଛି। ତେବେ ଜାନୁଆରୀ ପହିଲାରୁ ୩ ପ୍ରକାରର ବ୍ୟାଙ୍କ...

ପ୍ରବାସୀ ଭାରତୀୟ ଦିବସ ପାଇଁ ସଜେଇ ହେଉଛି ରାଜଧାନୀ

ଭୁବନେଶ୍ୱର,୧।୧(ସୁଚିସ୍ମିତା ସାହୁ):ପ୍ରବାସୀ ଭାରତୀୟ ଦିବସ ଉପଲକ୍ଷେ ସଜେଇ ହେଉଛି ରାଜଧାନୀ ଭୁବନେଶ୍ୱର। ବିଭିନ୍ନ ସ୍ଥାନରେ କାନ୍ଥଗୁଡ଼ିକ ପାରମ୍ପରିକ ଚିତ୍ରକଳାରେ ଝଲସୁଛି। ଏଥିରେ ଓଡ଼ିଶାର ଲୋକକଳା, ପରମ୍ପରା,...

ପାରାଗ୍ଲାଇଡିଂ, ପାରା ଲ୍ୟାଣ୍ଡିଂର ମଜା ନେଉଛନ୍ତି ପର୍ଯ୍ୟଟକ

କୋରାପୁଟ,୧ା୧(ଅମିତାଭ ବେହେରା):କୋରାପୁଟ ଜିଲା ସେମିଳିଗୁଡ଼ାର କୁନ୍ଦୁଲିରୁ କୋଟିଆ ଆଡ଼କୁ ଦେଓମାଳି ପର୍ବତ ରହିଛି। ସମୁଦ୍ର ପତ୍ତନଠାରୁ ୧୬୭୨ ମିଟର ଉଚ୍ଚତାରେ ଥିବା ଏହା ଓଡ଼ିଶାର ଉଚ୍ଚତମ...

‘ଶହୀଦ ମାଧୋ ସିଂଙ୍କ ବୀରଗାଥା ପାଠ୍ୟ ପୁସ୍ତକରେ ସାମିଲ ହେଉ’

ବରଗଡ଼,୩୧।୧୨(ପ୍ରେମାନନ୍ଦ ଖମାରୀ) :- ଶହୀଦ ବୀର ମାଧୋ ସିଂ ଓ ପରିବାର ବର୍ଗଙ୍କ ସଶସ୍ତ୍ର ସାଧୀନତା ସଂଗ୍ରାମରେ ଅବଦାନ ଅନସ୍ବୀକାର୍ଯ୍ୟ ବୋଲି କହିଛନ୍ତି ବିଶିଷ୍ଟ ସାହିତି୍ୟକ...

ଚାଲିଲାନି ପଶ୍ଚିମବଙ୍ଗର ମନମାନୀ, ଓଡ଼ିଶା ଫେରୁଛି ‘ଜିନତ’

ଭୁବନେଶ୍ୱର,୩୧ା୧୨: ପଶ୍ଚିମବଙ୍ଗରୁ ସ୍ୱତନ୍ତ୍ର ଗାଡ଼ିରେ ଫେରୁଛି ବାଘୁଣୀ ‘ଜିନତ’ । ଆଲିପୁର ଚିଡ଼ିଆଖାନାରୁ ସ୍ୱତନ୍ତ୍ର ଗାଡ଼ି ଯୋଗେ ଅଣାଯାଉଛି। ମଧ୍ୟରାତ୍ରି ସୁଦ୍ଧା ‘ଜିନତ’ ଶିମିଳିପାଳ ପହଞ୍ଚିବା...

ଅପେରାରେ ଅଶ୍ଳୀଳ ନାଚ ରୋକିବାକୁ ଭିଡିଓ ରେକର୍ଡିଂ

ମାଲକାନଗିରି,୩୧ା୧୨(ଦୁର୍ଯ୍ୟୋଧନ ପାତ୍ର): ଅପେରା ମଞ୍ଚରେ ଅଶ୍ଳୀଳତା ନେଇ ଅଭିଯୋଗ ହେବାପରେ ରେକର୍ଡ ଡ୍ୟାନ୍ସ ସମୟରେ କ୍ୟାମେରା ଲଗାଇ ରେକର୍ଡିଂ କଲା ପୋଲିସ। ପୋଲିସ ଛାଉଣୀରେ ଚାଲିଲା...

ମୋଟର ସାଇକେଲ ମୁହାଁ ମୁହିଁ ଧକ୍କା: ୨ ଦୁଇ ମୃତ ଜଣେ ଗୁରୁତର

ତେନ୍ତୁଳିଖୁଣ୍ଟି,୩୧ା୧୨(ଚିଦାନନ୍ଦ ସାହୁ): ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ଥାନା ପୂଜାରୀଗୁଡା ଷ୍ଟାଡିୟମ ତେନ୍ତୁଳିଗଛ ଛକ ନିକଟରେ ମଙ୍ଗଳବାର ଅପରାହ୍ନରେ ଦୁଇଟି ମୋଟର ସାଇକେଲ ମୁହାଁ ମୁହିଁ ଧକ୍କା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri