ନୂଆଦିଲ୍ଲୀ,୧୫।୩: ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ନିର୍ବାଚନ ଆୟୋଗ ଶୁକ୍ରବାର ଇଲୋକ୍ଟରଲ ବଣ୍ଡର ବିବରଣୀ ନିଜ ଓ୍ବେବସାଇଟ୍ରେ ଅପଲୋଡ କରିଛନ୍ତି। ସବୁଠାରୁ ଅଧିକ ନିର୍ବାଚନୀ ବଣ୍ଡ କିଣିଥିବା କମ୍ପାନୀର ଲିଷ୍ଟରେ ଦ୍ୱିତୀୟ ନମ୍ବରରେ ରହିଛି ମେଘା ଇଞ୍ଜିନିୟରିଂ ଆଣ୍ଡ ଇନଫ୍ରାଷ୍ଟ୍ରକଚର ଲିମିଟେଡ କମ୍ପାନୀ। ଯେଉଁଥିରେ ପ୍ରଥମ ନମ୍ବରରେ ଫ୍ୟୁଚର ଗେମିଂ ଆଣ୍ଡ ହୋଟେଲ ସର୍ଭିସ ରହିଛି। କହିରଖିଛୁ କି, ଏହି ଗେମିଂ କମ୍ପାନୀ ଉପରେ ଇଡି ଚଢାଉ କରିସାରିଛି। ତେବେ ମେଘା ଇଞ୍ଜିନିୟରିଂ ଆଣ୍ଡ ଇନଫ୍ରାଷ୍ଟ୍ରକଚର ଲିମିଟେଡ କମ୍ପାନୀ ୮୨୧ ନିର୍ବାଚନୀ ବଣ୍ଡ କିଣିଛି। ସୂଚନାନୁସାରେ ୨୦୨୩ ଏପ୍ରିଲରେ କମ୍ପାନୀ ୧୪୦କୋଟି ଟଙ୍କାର ବଣ୍ଡ କିଣିଥିଲା। ଯାହାର ଠିକ୍ ଗୋଟେ ମାସ ପରେ ଏହି କମ୍ପାନୀକୁ ମହାରାଷ୍ଟ୍ରରେ ୧୪,୪୦୦ କୋଟି ଟଙ୍କାର ପ୍ରୋଜେକ୍ଟ ମିଳିଥିଲା।
ଇଣ୍ଡିଆନ ଏକ୍ସପ୍ରେସର ରିପୋର୍ଟ ଅନୁଯାୟୀ, ନିର୍ବାଚନୀ ବଣ୍ଡ କିଣିବାର ମାସକ ପରେ କମ୍ପାନୀକୁ ଥାନେ-ବୋରବଲି ଟ୍ବିନ ଟନେଲ ପ୍ରୋଜେକ୍ଟର ଟେଣ୍ଡର ମିଳିଥିଲା। MEIL ର କାର୍ଯ୍ୟାଳୟ ହାଇଦ୍ରାବାଦରେ ରହିଛି। ଏହି କମ୍ପାନୀ ୧୯୮୯ରେ ପୋପୋ ରେଡ୍ଡୀ ସ୍ଥାପନ କରିଥିଲେ। ଦେଶର ସବୁଠାରୁ ଧନୀ କମ୍ପାନୀ ଲିଷ୍ଟରେ ଏହି କମ୍ପାନୀ ରହିଛି।
ମହାରାଷ୍ଟ ସରକାର ମୁମ୍ବାଇ ମେଟ୍ରୋପଲିଟନ ରିଜିନାଲ ଡେଭଲପମେଣ୍ଟ ଅଥୋରଟି ଏହି ପ୍ରୋଜେକ୍ଟ ପାଇଁ ଟେଣ୍ଡର ବାହାର କରିଥିଲା। ଏହି ପ୍ରୋଜ୍ଟେରେ ସଞ୍ଜୟ ଗାନ୍ଧୀ ନ୍ୟାଶନାଲ ପାର୍ଟ ଅନ୍ତର୍ଗତ ରୋଡ ଟନେଲ ତିଆରି କରିଥିଲେ।