ନୂଆଦିଲ୍ଲୀ,୨୯।୧୨: କଂଗ୍ରେସ ଫାଉଣ୍ଡେଶନ ଦିବସ ଅବସରରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ମୁମ୍ବାଇରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି କେନ୍ଦ୍ରରେ ଭାଜପା ସରକାରଙ୍କୁ କଡ଼ା ସମାଲୋଚନା କରିଛନ୍ତି। ଏଥିସହ ସେ ଭାଜପାକୁ ବିଧାୟକ ଚୋରି କରି ସରକାର ଗଠନ କରିଥିବା ଅଭିଯୋଗ କରିଛନ୍ତି। ଆମ ଯୋଗୁ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହୋଇଛନ୍ତି ବୋଲି ଖାର୍ଗେ କହିଛନ୍ତି। ସେ କହିଛନ୍ତି, ପ୍ରଧାନମନ୍ତ୍ରୀ ମୋଦି ସବୁଆଡେ କହି ବୁଲୁଛନ୍ତି କି ୭୦ ବର୍ଷ ମଧ୍ୟରେ କଂଗ୍ରେସ କ’ଣ କରିଛି! ହେଲେ ମୁଁ ତାଙ୍କୁ କହିବାକୁ ଚାହେଁ ଯେ କଂଗ୍ରେସ ୭୦ ବର୍ଷ ହେଲା ଗଣତନ୍ତ୍ରକୁ ବଞ୍ଚେଇ ରଖିଛି। ଯେଉଁଥିପାଇଁ ଆଜି ପ୍ରଧାନମନ୍ତ୍ରୀ ହେଲିକପ୍ଟରରେ ବୁଲୁଛନ୍ତି। ସେ ଆହୁରି ମଧ୍ୟ କହିଛନ୍ତି, ଯେତେବେଳେ ଲୋକମାନେ ଭୋକରେ ମରୁଥିଲେ, ସେତେବେଳେ କଂଗ୍ରେସ ସବୁଜ ବିପ୍ଳବ ଆଣିଥିଲା ବୋଲି ଖାର୍ଗେ କହିଛନ୍ତି।