ଗ୍ଲାସ୍ଗୋ, ୩ା୧୧: ଗ୍ଲାସ୍ଗୋ ଜଳବାୟୁ ସମ୍ମିଳନୀର ଦ୍ୱିତୀୟ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଛୋଟ ଦ୍ୱୀପପୁଞ୍ଜଗୁଡ଼ିକରେ ଭିତ୍ତିଭୂମି ବିକାଶ ନିମନ୍ତେ ମଙ୍ଗଳବାର ଏକ ଉଚ୍ଚାଭିଳାଷୀ ପଦକ୍ଷେପର ଶୁଭାରମ୍ଭ କରିଛନ୍ତି। ଇନ୍ଫ୍ରାଷ୍ଟ୍ରକଚର ଫର୍ ରେଜିଲିଏଣ୍ଟ ଆଇଲାଣ୍ଡ୍ ଷ୍ଟେଟ୍ସ(ଆଇଆର୍ଆଇଏସ୍) ଜଳବାୟୁ ପରିବର୍ତ୍ତନ ଜନିତ ସବୁଠୁ ବଡ ବିପଦର ସମ୍ମୁଖୀନ ହେଉଥିବା ଅସୁରକ୍ଷିତ ଦେଶମାନଙ୍କ ପାଇଁ ଏହା ନୂତନ ଆଶା, ଆତ୍ମବିଶ୍ୱାସ ପ୍ରଦାନ କରିବ ବୋଲି ପ୍ରଧାନମନ୍ତ୍ରୀ କହିଛନ୍ତି। ବ୍ରିଟେନ୍ ପ୍ରଧାନମନ୍ତ୍ରୀ ବୋରିସ୍ ଜନ୍ସନ୍ ସହିତ ମୋଦି ସମ୍ମିଳନରେ ଉପସ୍ଥିତ ରହିଥିଲେ। ଆଇଆର୍ଆଇଏସ୍ ଶୁଭାରମ୍ଭ କାର୍ଯ୍ୟକ୍ରମରେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ୍ ମୋରିସନ୍, ଜାତିସଂଘ ମହାସଚିବ ଆଣ୍ଟୋନିଓ ଗୁଟେରସ୍ ମଧ୍ୟ ଯୋଗ ଦେଇଥିଲେ। ଏହି ପଦକ୍ଷେପ ସବୁଠାରୁ ଅସୁରକ୍ଷିତ ଦେଶ ପାଇଁ କିଛି କରିପାରିବାର ଅତ୍ମସନ୍ତୋଷ ଦେବ। ଛୋଟ ଦ୍ୱୀପପୁଞ୍ଜର ଭିତ୍ତିଭୂମି ବିକାଶ ନିମନ୍ତେ ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ଉପଗ୍ରହ ମାଧ୍ୟମରେ ପ୍ରାକୃତିକ ବିପର୍ଯ୍ୟୟ ବାବଦରେ ଠିକ୍ ସମୟରେ ସୂଚନା ପ୍ରଦାନ କରିବା ପାଇଁ ଏକ ସ୍ବତନ୍ତ୍ର ଡାଟା ୱିଣ୍ଡୋ ନିର୍ମାଣ କରାଯିବ ବୋଲି ପ୍ରଧାନମନ୍ତ୍ରୀ କହିଛନ୍ତି।
