ନୟାଗଡ଼ ଅଫିସ,୨୮।୧୧: ଜବରଦଖଲକୁ ଜାଗା ମିଶନ ଯୋଜନା ପ୍ରୋତ୍ସାହିତ କରିଛି। ଏହି ଯୋଜନାରେ ୫ ଥର ପଟ୍ଟା ମିଳିବା ପରେ ନୟାଗଡ଼ ସଦର ମହକୁମାରେ ଜବରଦଖଲ ବଢ଼ି ଚାଲିଛି। ମ୍ୟୁନିସିପାଲିଟି ପକ୍ଷରୁ ଯଦିଓ ଉଚ୍ଛେଦ କରାଯାଉଛି ତେବେ ଜବରଦଖଲକୁ ରୋକା ଯାଇ ପାରୁନାହିଁ। ଅନ୍ୟପକ୍ଷେ ଆଇନର ଗଳା ବାଟ ଦେଇ ସ୍ବଛଳ ବର୍ଗ ହାତେଇ ଚାଲିଛନ୍ତିି ସରକାରୀ ଜମି। ଗଁାରେ ସେମାନଙ୍କର ଜମି, ଘରବାରି ଥିଲେ ମଧ୍ୟ ପୁଣି ଥରେ ସହରର ମୂଲ୍ୟବାନ ଜମିକୁ ହାତେଇ ନେଉଛନ୍ତି। ଅନ୍ୟପକ୍ଷେ ଭୋଟ ରାଜନୀତି ଜବରଦଖଲକାରୀଙ୍କୁ ସୁହାଇଛି। ସହରରେ ସ୍ଥାନୀୟ ବାସିନ୍ଦା ଠିକ୍ ସମୟରେ ଟିକସ୍ ଦେଇ ଆସୁଥିଲେ ମଧ୍ୟ ସେମାନଙ୍କୁ ସର୍ବନିମ୍ନ ସୁବିଧା ମିଳୁନି। କିନ୍ତୁ ଜବରଦଖଲକାରୀଙ୍କୁ ପଟ୍ଟା ଦେଇ ସେମାନଙ୍କୁ ସର୍ବନିମ୍ନ ସୁବିଧା ଯୋଗାଇ ଦିଆଯାଉଛି ବୋଲି ଅଭିଯୋଗ ହେଉଛି। କେତେଜଣ ଟିକସଧାରୀଙ୍କ ଅଭିଯୋଗ ହେଉଛି ଗରିବ ଓ ଭୂମିହୀନଙ୍କୁ ଜମିପଟ୍ଟା ଦେଇ ସରକାରୀ ସୁବିଧା ସୁଯୋଗ ଦେବାରେ ପ୍ରତିବାଦ ନାହିଁ। କିନ୍ତୁ ଗରିବ ଓ ଭୂମିହୀନ ନାଁରେ ସ୍ବଛଳ ବର୍ଗ ସୁବିଧା ସୁଯୋଗ ହାତେଉଛନ୍ତି। ଅଧିକାଂଶ କ୍ଷେତ୍ରରେ ଟିକସଧାରୀଙ୍କୁ ଯେପରି ଅଣଦେଖା କରାଯାଉଛି ତାହା ଗଣତନ୍ତ୍ର ପାଇଁ ଶୁଭଙ୍କର ନୁହେଁ ବୋଲି ମତ ପ୍ରକାଶ ପାଇଛି।
ନୟାଗଡ଼ ଜିଲା ସଦର ମହକୁମାର ପାହାଡ ପର୍ବତ ଉପରେ, ଜଙ୍ଗଲ ପାଦ ଦେଶରେ ଘର ନିର୍ମାଣ ହୋଇସାରିଲାଣି। କେତେଗୋଟି ସ୍ଥାନରେ ଘର ନିର୍ମାଣ ଚାଲିଛି। ସହରର ଜଜାଙ୍ଗି, ରୁକ୍ଷୀ ଓ ବଳରାମ ପାହାଡର ଉପର, ପାଦ ଦେଶର ବିଭିନ୍ନ ସ୍ଥାନ ଏବେ ଜବରଦଖଲରେ। ଏପରିକି ସହରର ପ୍ରଭାବଶାଳୀ ଲୋକ ମୂଲ୍ୟବାନ ଜମିକୁ ଜବରଦଖଲ କରି ରଖିଛନ୍ତି। ସେହିଭଳି ସରକାରୀ ଜମି ୩୦ ହଜାରରୁ ଆରମ୍ଭ କରି ୪ ଲକ୍ଷ ଟଙ୍କା ପର୍ଯ୍ୟନ୍ତ ବିକ୍ରି ହେଉଛି। ନିକଟରେ ଜଣେ ସରପଞ୍ଚ ବେବର୍ତ୍ତାପଲ୍ଲୀରେ ସରକାରୀ ଜମି ବିକ୍ରି କରିଥିବା ଅଭିଯୋଗ ଉଠିଛି। ୬ ପରିବାରର ବେଆଇନ ଜବରଦଖଲ ଉଚ୍ଛେଦ ପରେ ଏହା ଜଣାପଡିଛି। ଏ ନେଇ ନିର୍ବାହୀ ଅଧିକାରୀ ସନ୍ତୋଷ କୁମାର ଜେନା କୁହନ୍ତି, ନୟାଗଡ଼ ମ୍ୟୁନିସିପାଲିଟିରେ ୫ ଥରରେ ୪୮୬ ହିତାଧିକାରୀଙ୍କୁ ଜାଗା ମିଶନ ଯୋଜନାରେ ଭୂମି ଯୋଗ୍ୟତା ପ୍ରମାଣପତ୍ର ବଣ୍ଟନ କରାଯାଇଛି। ଏଥିରୁ ୨୧୪ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ପାଇ ସାରିଲେଣି। ୧୦୬ ଜଣଙ୍କୁ କାର୍ଯ୍ୟାଦେଶ ପାଇ ସାରିଛନ୍ତି। ଅବଶିଷ୍ଟ ୧୪୬ ଜଣଙ୍କର ୨୨୫ ସ୍କୋୟାର ଫୁଟରୁ କମ୍ ପଟ୍ଟା ପାଇଥିବାରୁ କାର୍ଯ୍ୟାଦେଶ ପାଇନାହାନ୍ତି। ଏଣୁ ଆବାସ ଯୋଜନାରେ କାର୍ଯ୍ୟାଦେଶ ଦେବାକୁ ସରକାରୀ ନିୟମ ଅନୁସାରେ ୨୩୦ ସ୍କୋୟାର ଫୁଟର ଜମି ଯୋଗାଇ ଦେବାକୁ ଡିଟେଲ ପ୍ରେଜେକ୍ଟ ରିପୋଟ ପ୍ରସ୍ତୁତ କରି ସରକାରଙ୍କୁ ଦିଆସରିଛି। ଯେଉଁମାନଙ୍କର ପାଖରେ ସରକାରୀ ଜମି ନାହିଁ ସେମାନଙ୍କୁ ଅଧିକ ଜମି ଦିଆଯାଇପାରିବ ନାହିଁ। ଏଣୁ ସେମାନେ ଆବାସ ଯୋଜନାରେ କାର୍ଯ୍ୟାଦେଶ ପାଇପାରିବେ ନାହିଁ। ଅନ୍ୟପକ୍ଷେ ମ୍ୟୁନିସିପାଲିଟିରେ ଜମି ନ ଥିବା ପରିବାର ପଟ୍ଟା ପାଇପାରିବ ବୋଲି ନିୟମ ରହିଛି ବୋଲି ସେ କହିଛନ୍ତି। ନାଁରେ ନାଁେ ର