ଭାରତରେ ଅନେକ ରହସ୍ୟମୟୀ ମନ୍ଦିର ରହିଛି। ଯାହା ଉପରୁ ଆଜି ବି ପରଦା ଉଠିପାରିନାହିଁ। ଏମିତି ଏକ ମନ୍ଦିର, ଯେଉଁଠି ପ୍ରାୟ ୯୯ ଲକ୍ଷ ୯୯ ହଜାର ୯୯୯ଟି ମୂର୍ତ୍ତି ରହିଛି। ଏହି ମନ୍ଦିରର ରହସ୍ୟ ବିଦ୍ୱାନ ପଣ୍ଡିତମାନେ ମଧ୍ୟ ଉନ୍ମୋଚନ କରିପାରିନାହାନ୍ତି। ଏତେ ପଥର ମୂର୍ତ୍ତି କିଏ ତିଆରି କରିଛନ୍ତି କେବେ ଏବଂ କାହିଁକି ତିଆରି କରିଛନ୍ତି ସେ ସମ୍ପର୍କରେ କାହା ପାଖରେ ସଠିକ୍ ଖବର ନାହିଁ।
ସବୁଠୁ ବଡ଼ ରହସ୍ୟ ହେଲା କୋଟିଏରୁ କ’ଣ ପାଇଁ ଗୋଟିଏ ମୂର୍ତ୍ତି କମ୍ ରହିଛି। ଏହି ମୂର୍ତ୍ତିକୁ ନେଇ ଅନେକ କାହାଣୀ ରହିଛି। ମନ୍ଦିରଟି ଆମ ଦେଶ ତ୍ରିପୁରାର ରାଜଧାନୀ ଅଗରତାଲାରେ ରହିଛି। ଏହି ମନ୍ଦିର ଭାରତର ସବୁଠୁ ରହସ୍ୟମୟୀ ମନ୍ଦିର ଭାବେ ଜଣାଶୁଣା।
ମନ୍ଦିର ସମ୍ପର୍କରେ ମାନ୍ୟତା ଅଛି କି, ଥରେ ଭଗବାନ ଶିବ ଏକ କୋଟି ଦେବଦେବୀଙ୍କ ସହିତ କେଉଁଆଡ଼େ ଯାଉଥିଲେ। ସମସ୍ତ ଦେବତା ଶୋଇ ପଡ଼ିଥିଲେ। ଯେତେବେଳେ ସକାଳୁ ଶିବ ଉଠିଲେ, ଦେଖିଲେ ସମସ୍ତ ଦେବଦେବୀ ଶୋଇଛନ୍ତି। ଶିବ ରାଗି କି ଅଭିଶାପ ଦେଇଥିଲେ। ତେଣୁ ସମସ୍ତ ଦେବଦେବୀ ପଥର ପାଲଟି ଯାଇଥିଲେ। ତେଣୁ ୯୯ ଲକ୍ଷ ୯୯ ହଜାର ୯୯୯ଟି ମୂର୍ତ୍ତି ଏହି କାରଣରୁ ହୋଇଛି।
ଏହି ମୂର୍ତ୍ତିକୁ ନେଇ ଆଉ ଏକ ଲୋକକଥା ପ୍ରଚଳିତ ହୁଏ। କୁହାଯାଏ, କାଳୁ ନାମକ ଜଣେ ଶିଳ୍ପକାର ଥିଲେ। ଭଗବାନ ଶଙ୍କର ଏବଂ ମା’ ପାର୍ବତୀଙ୍କ ସହିତ କୈଳାସ ପର୍ବତ ଯାଇଥିଲେ। ଶିଳ୍ପକାରଙ୍କ ଜିଦି ଯୋଗୁ ଭଗବାନ ଶଙ୍କର କହିଥିଲେ, ତୁମେ ଗୋଟିଏ ରାତିରେ କୋଟିଏ ଦେବଦେବୀଙ୍କ ମୂର୍ତ୍ତି ତିଆରି କଲେ ତୁମକୁ ସାଥୀରେ ନେଇଯିବୁ। ଏହା ପରେ ଶିଳ୍ପକାର ପୂରା ରାତି ଅନିଦ୍ରା ହୋଇ ମୂର୍ତ୍ତି ସବୁ ତିଆରି କରିଥିଲେ। ଆଉ ଗୋଟିଏ ମୂର୍ତ୍ତି ବାକିଥିଲା ସକାଳ ହୋଇଗଲା। ତେଣୁ ଶିବ ତାଙ୍କୁ ସାଥୀରେ ନେଲେ ନାହିଁ। ଏହି ମନ୍ଦିର ଅଗରତାଲାଠାରୁ ୧୪୫ କିଲୋମିଟର ଦୂର ଉନାକୋଟିରେ ରହିଛି।