ଇସଲାମାବାଦ,୧୦।୨ : ପାକିସ୍ତାନର ନିର୍ବାଚନ ଫଳାଫଳକୁ ନେଇ ପାକିସ୍ତାନ ସେନା ମୁଖ୍ୟଙ୍କ ବିବୃତ୍ତି ପ୍ରକାଶ ପାଇଛି। ଶନିବାର ସେନା ମୁଖ୍ୟ ଅସୀମ ମୁନିର ସଫଳ ନିର୍ବାଚନ ପାଇଁ ଦେଶର ଲୋକଙ୍କୁ ଅଭିନନ୍ଦନ ଜଣାଇଛନ୍ତି। ସାଧାରଣ ନିର୍ବାଚନକୁ ସୁରୁଖୁରୁରେ ଶେଷ କରିଥିବାରୁ ଅସୀମ ନିର୍ବାଚନ ଆୟୋଗଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି।
ଏହା ସହ ସେ କହିଛନ୍ତି ମୁଁ ଚାହୁଁଛି ଏହି ନିର୍ବାଚନରୁ ଦେଶ ଅରାଜକତା ଏବଂ ଖରାପ ରାଜନୀତିରୁ ମୁକ୍ତି ପାଇବ ଏବଂ ଆଗକୁ ବଢ଼ିବା ପାଇଁ ଏକ ସ୍ଥିର ସରକାର ପାଇବ।
ପାକିସ୍ତାନୀ ସେନା ମୁଖ୍ୟ ଆହୁରି ମଧ୍ୟ କହିଛନ୍ତି ସମସ୍ତ ଗଣତାନ୍ତ୍ରିକ ଶକ୍ତି ପରିଚାଳନା କରୁଥିବା ସରକାର ଜାତୀୟ ଉଦ୍ଦେଶ୍ୟ ପୂରଣ କରିବେ, ମୁଁ ଆଶା କରୁଛୀ ଏହି ନିର୍ବାଚନ ରାଜନୈତିକ, ଅଥର୍ର୍ନୈତିକ ସ୍ଥିରତା, ଶାନ୍ତି ଓ ସମୃଦ୍ଧତା ଆଣିବ।
ପାକିସ୍ତାନ ର୍ନିବାଚନରେ ଅନେକ ପ୍ରଶ୍ନ ଚିହ୍ନ ରହିଛି। ଫଳାଫଳକୁ ନେଇ ପାକିସ୍ତାନୀ ଗଣମାଧ୍ୟମ ସମେତ ଅନେକ ନେତା ଅଭିଯୋଗ କରିଛନ୍ତି। ଏଥି ସହିତ ଆମେରିକା, ବ୍ରିଟେନ ଏବଂ ୟୁରୋପୀୟ ୟୁନିଅନ ମଧ୍ୟ ପାକିସ୍ତାନର ନିର୍ବାଚନ ପ୍ରକ୍ରିୟାକୁ ନେଇ ଉଦବେଗ ପ୍ରକାଶ କରିଛନ୍ତି। ଏଥିରେ ଠକେଇ ଅଭିଯୋଗର ତଦନ୍ତ ଦାବି କରିଛନ୍ତି।
ଭୋଟରେ ଜାଲିଆତି ହୋଇଥିବା ରିପୋର୍ଟର ଉଭୟ ଦେଶ ତଦନ୍ତ କରିବାକୁ କହିଛନ୍ତି। ଉଭୟ ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ଦଳ ଏବଂ ଜେଲରେ ଥିବା ଇମ୍ରାନ ଖାନ ବିଜୟ ଦାବି କରିଛନ୍ତି।
