ମୁମ୍ବାଇ: ବଲିଉଡରେ ପ୍ରତିବର୍ଷ ନିର୍ମାଣ ହେଉଛି ଜଣେ ଜଣେ ପ୍ରତିଷ୍ଠିତ ବ୍ୟକ୍ତିଙ୍କ ବାୟୋପିକ୍ । ତେବେ ଦେଶର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରି ବାଜପେୟୀଙ୍କ ଉପରେ ଏକ ବାୟୋପିକ ନିର୍ମାଣ ନେଇ ପୂର୍ବରୁ ଘୋଷଣା ହୋଇସାରିଥିଲେ ବି ଏବେ ପର୍ଯ୍ୟନ୍ତ ଏଥିପାଇଁ କଳାକାର ମିଳୁ ନ ଥିବା କୁହଯାଉଥିଲା । ଅନ୍ୟପଟେ ଫିଲ୍ମ ’ ମେ ରହୁ ୟା ନ ରହୁ, ୟେ ଦେଶ ରେହନା ଚାହିୟେ-ଅଟଳ’ ଉଲ୍ଲେଖ ଏନପିଙ୍କ ପୁସ୍ତକ ‘ଦ ଅନଟୋଲ୍ଡ ବାଜପେୟୀ ଆଣ୍ଡ ପାରାଡକ୍ସ’ ପରେ ଫିଲ୍ମଟି ନିର୍ମାଣ କରାଯିବ । ତେବେ ମୁଖ୍ୟ ଚରିତ୍ର ଅର୍ଥାତ୍ ବାଜପେୟୀଙ୍କ ଚରିତ୍ର କେଉଁ କଳାକାରଙ୍କୁ ବେଶୀ ଶୁଟ୍ କରିବ ସେ ନେଇ ନିର୍ମାତା ନିର୍ଦ୍ଦେଶକ କଳାକାର ଖୋଜୁଥିଲେ ।
ଏବେ ମିଳିଥିବା ସୂଚନା ଅନୁଯାୟୀ, ଏମିତି ଜଣେ କଳାକାର ହୁଏତ ମିଳିଯାଇଛନ୍ତି, ଯିଏକି ବାଜପେୟୀଙ୍କ ଚରିତ୍ରରେ ଏକଦମ ଫିଟ୍ ହେବେ ବୋଲି କୁହାଯାଉଛି । ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ପଙ୍କଜ ତ୍ରିପାଠୀ ବାଜପେୟୀଙ୍କ ଚରିତ୍ରରେ ଫିଟ ଲାଗିବେ ବୋଲି କୁହାଯାଉଛି । ନିକଟରେ ପଙ୍ଗଜଙ୍କୁ ‘ଶେରଦିଲ’ରେ ଦେଖିବାକୁ ମିଳିଥିଲା । ଅଟଳ ବିହାରୀ ବାଜପେୟୀଙ୍କ ଫିଲ୍ମକୁ ବିନୋଦ ଭାନୁଶାଳୀ, ସନ୍ଦିପ ସିଂ, ସୋମ ଖାଁ, କମଲେଶ ଭାନୁଶାଳୀ ଓ ବିଶାଳ ଗୁରନନୀ ପଡ୍ୟୁସ କରିବେ । କୁହାଯାଛି କି ଏହି ଫିଲ୍ମ ୨୦୨୩ରେ ରିଲିଜ ହୋଇପାରେ ।
ମେକର୍ସ ଖ୍ରୀଷ୍ଟମାସ ୨୦୨୩ ଅର୍ଥାତ୍ ବାଜପେୟୀଙ୍କ ୯୯ତମ ବାର୍ଥ ଆନିଭରସାରୀରେ ରିଲିଜ କରିବାର ଯୋଜନା କରିଛନ୍ତି । ପୁର୍ବରୁ କେତେଜଣ ରାଜନେତାଙ୍କ ବାୟୋପିକ ନିର୍ମାଣ ସରିଛି । ଯେମିତିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକରେ ବିବେକ ଓବରୟ ନଜର ଆସିଥିଲେ । ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ବାୟୋପିକରେ ଅନୁପମ ଖେର ମୁଖ୍ୟ ଭୂମିକାରେ ନଜର ଆସିଥିଲେ । ସେମିତି ଶିବସେନାର ପ୍ରତିଷ୍ଠାତା ବାଲା ସାହେବ ଠାକରେଙ୍କ ବାୟୋପିକରେ ନୱାଜୁଦ୍ଦିନ ସିଦ୍ଦିକିଙ୍କୁ ଦେଖିବାକୁ ମିଳିଥିଲା ।
