ବେଙ୍ଗାଲୁରୁ,୧୭।୮ : କର୍ନାଟକର ଉଡୁପିରେ ଥିବା ବ୍ରହ୍ମଗିରି ସର୍କଲରେ ଥିବା ଏକ ପୋଷ୍ଟର ନେଇ ଉତ୍ତେଜନା ପ୍ରକାଶ ପାଇଛି। ଏହି ପୋଷ୍ଟରରେ ବୀର ସାବରକର ଏବଂ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଫଟୋ ଏକାଠି ରଖାଯାଇଛି। ପୋଷ୍ଟରରେ ଲେଖା ଅଛି ଜୟ ହିନ୍ଦୁ ରାଷ୍ଟ୍ର। ଏହା ପରେ ଏହି ଅଞ୍ଚଳରେ ଉତ୍ତେଜନା ଦେଖାଦେଇଛି।
ପରିସ୍ଥିତିକୁ ଦୃଷ୍ଟିରେ ରଖି ସମଗ୍ର ଅଞ୍ଚଳରେ ବହୁ ସଂଖ୍ୟକ ପୋଲିସ ଫୋର୍ସ ମୁତୟନ କରାଯାଇଛି। ଏଥି ସହିତ ଏହି ପ୍ରସଙ୍ଗକୁ ନେଇ ରାଜନୀତି ଆରମ୍ଭ ହୋଇଛି। କଂଗ୍ରେସ ଦଳ ଏହାକୁ ଭାଜପାର କାର୍ଯ୍ୟ ବୋଲି କହିଛି। ପୋଷ୍ଟରରୁ ସୁଭାଷ ବୋଷଙ୍କ ଫଟୋ ହଟାଇବାକୁ କଂଗ୍ରେସ ପୋଲିସ ଏବଂ ଜିଲା ପ୍ରଶାସନକୁ କହିଛି।