ନୂଆଦିଲ୍ଲୀ,୧୦।୬ : ରାଷ୍ଟ୍ରୀୟ ସ୍ବୟଂସେବକ ସଂଘର ରାଷ୍ଟ୍ରୀୟ ସେବିକା ସଂଘ ପକ୍ଷରୁ ରବିବାର ଏକ ନୂତନ ଅଭିଯାନ ଆରମ୍ଭ ହେବ। ଏହା ଅନ୍ତର୍ଗତ ସଂଘ ଗର୍ଭବତୀ ମହିଳାମାନଙ୍କୁ ଗର୍ଭାବସ୍ଥାରେ ଧାର୍ମିକ ପୁସ୍ତକ ପାଠ କରିିବାକୁ ଉତ୍ସାହିତ କରିବ। ସେବିକା ସଂଘର ସମ୍ବର୍ଦ୍ଧିନୀ ନ୍ୟାସ ୱିଙ୍ଗର ଡାକ୍ତରମାନେ ଏହି ଯୋଜନାକୁ ସାରା ଦେଶରେ କାର୍ଯ୍ୟକାରୀ କରିବାରେ ସାହାଯ୍ୟ କରିବେ। ସଂଘ କହିଛି ଗର୍ଭ ସଂସ୍କାର ଏକ ପବିତ୍ର ପଦକ୍ଷେପ। ଏହା ବୈଜ୍ଞାନିକ ଉପାୟରେ ଗର୍ଭଧାରଣ ପାଇଁ ବିକଶିତ କରାଯାଇଛି।
ଏହି ଯୋଜନା ରବିବାର ଠାରୁ ସାରା ଦେଶରେ କାର୍ଯ୍ୟକାରୀ ହେବ ବୋଲି ଟ୍ରଷ୍ଟ ୱିଙ୍ଗ କହିଛି। ଆମେ ଗର୍ଭବତୀ ମହିଳାମାନଙ୍କୁ ଶ୍ରୀମଦ୍ ଭଗବଦ ଗୀତା ଏବଂ ରାମାୟଣ ପରି ଧାର୍ମିକ ଗ୍ରନ୍ଥ ପଢ଼ିବାକୁ ଉତ୍ସାହିତ କରିବୁ। ସେମାନେ ଜପ କରିବା ଏବଂ ଯୋଗ କରିବା ପାଇଁ ଉତ୍ସାହିତ ହେବେ। ଯେତେବେଳେ ସେମାନଙ୍କର ଏହି ସନ୍ତାନ ଜନ୍ମ ହେବେ, ସେମାନେ ଦେଶପ୍ରେମୀ ଏବଂ ସଂସ୍କୃତିବାନ ହେବେ। ସଂସ୍କୃତି ଏବଂ ମୂଲ୍ୟବୋଧ ତଥା ଇତିହାସ ସମ୍ପର୍କରେ ମାତୃଗର୍ଭରେ ଥିବା ଶିଶୁକୁ ଧାର୍ମିକ ଏବଂ ବୈଜ୍ଞାନିକ ଢଙ୍ଗରେ ଅବଗତ କରାଯିବ ଏବଂ ପିଲାଟିକୁ ଦୁଇ ବର୍ଷ ବୟସ ହେବା ପର୍ଯ୍ୟନ୍ତ ଏହା କରାଯିବ।
ଏହା ସହିତ ମହିଳା ଏବଂ ସେମାନଙ୍କ ପରିବାରକୁ ଉତ୍ତମ ଖାଦ୍ୟ ଓ ପରିବେଶ ବିଷୟରେ ମଧ୍ୟ ସୂଚନା ଦିଆଯିବ। ଟ୍ରଷ୍ଟ କହିଛି ସେମାନେ ଦେଶକୁ ପାଞ୍ଚଟି ଅଞ୍ଚଳରେ ବିଭକ୍ତ କରିଛନ୍ତି। ପ୍ରତ୍ୟେକ ଅଞ୍ଚଳରେ ୧୦-୧୦ ଜଣ ଡାକ୍ତର ରହିବେ। ପ୍ରତ୍ୟେକ ଡାକ୍ତର ତାଙ୍କ ଅଞ୍ଚଳର ୨୦ ଗର୍ଭବତୀ ମହିଳାଙ୍କୁ ଗର୍ଭ ସଂସ୍କାର ଯୋଜନା ସହିତ ସଂଯୋଗ କରିବେ।
ଟ୍ରଷ୍ଟ ଅନୁଯାୟୀ, ମହିଳାମାନେ ଅନ୍ୟ ଧାର୍ମିକ ଗ୍ରନ୍ଥଗୁଡ଼ିକ ମଧ୍ୟରେ ଗୀତା ଏବଂ ରାମାୟଣ ସମେତ ମନ୍ତ୍ର ଜପ କରିବେ।
ମନ୍ତ୍ର ସଂସ୍କୃତରେ ଥିବାରୁ ଏହା ସ୍ବାସ୍ଥ୍ୟ ଏବଂ ଜନ୍ମିତ ଶିଶୁ ପାଇଁ ଲାଭଦାୟକ ହେବ। ଏହାଦ୍ୱାରା ଶିଶୁର ସମ୍ପୂର୍ଣ୍ଣ ବିକାଶ ଘଟିବ । ବୈଜ୍ଞାନିକମାନେ କୁହନ୍ତି ଚାରିମାସ ପରେ ପିଲାଟି ଗର୍ଭରେ ଶୁଣିବା ଆରମ୍ଭ କରେ। ମହିଳାମାନଙ୍କୁ ଯୋଗ ଶିକ୍ଷା ଦିଆଯିବ। ଏହା ସେମାନଙ୍କୁ ପ୍ରସବ ସମୟରେ କଷ୍ଟ ଲାଘବ କରିବାରେ ସାହାଯ୍ୟ କରିବ ।
