ନୂଆଦିଲ୍ଲୀ,୨୧।୭: ପ୍ରତିଷ୍ଠିତ ଉଦ୍ୟୋଗପତି ରାହୁଲ ବଜାଜ, ବଜାଜ ଫାଇନାନ୍ସର ଅଣକାର୍ଯ୍ୟନିର୍ବାହୀ ଅଧ୍ୟକ୍ଷ ପବଦୀରୁ ଓହରିଯାଇଛନ୍ତି। ଚଳିତ ମାସ ଶେଷ ଯାଏ ସେ ଏହି ପଦବୀରେ ରହିବେ। ଗତ ୩ ଦଶନ୍ଧି ଧରି କମ୍ପାନୀର ମଙ୍ଗ ସମ୍ଭାଳିବା ପରେ ସେ ପଦବୀ ଛାଡ଼ିବେ। ବର୍ତ୍ତମାନ ଉପାଧ୍ୟକ୍ଷ ପଦବୀରେ ଥିବା ସଞ୍ଜୀବ ବଜାଜ ତାଙ୍କ ପରେ ଅଧ୍ୟକ୍ଷ ପଦବୀରେ ଅବସ୍ଥାପିତ ହେବେ ବୋଲି କମ୍ପାନୀ ପକ୍ଷରୁ ହୋଇଥିବା ରେଗୁଲେଟୋରି ଫାଇଲିଂରୁ ଜଣାପଡ଼ିଛି। ୧୯୮୭ ପରଠାରୁ ରାହୁଲ ବଜାଜ କମ୍ପାନୀ ସହ ଜଡିତ ଥିଲେ। ନୂଆ ଉତ୍ତରାଧିକାରୀ ଚୟନ ଯୋଜନା ଅନ୍ତର୍ଗତ ସେ ଚଳିତ ମାସ ଶେଷ ଯାଏ ପଦବୀରେ ରହିବେ ବୋଲି ସୂଚନା ରହିଛି। ସେ କମ୍ପାନୀ ସହ ଜଡିତ ହୋଇ ରହିବେ। ଅଣ କାର୍ଯ୍ୟନିର୍ବାହୀ ଏବଂ ଅଣ ସ୍ବାଧୀନ ନିର୍ଦ୍ଦେଶକ ଭାବେ ସେ କମ୍ପାନୀ ସହ କାମ କରିବେ। ରାହୁଲ ବଜାଜଙ୍କ ସ୍ଥାନରେ ଅଗଷ୍ଟ ପହିଲାରୁ ସଞ୍ଜୀବ ବଜାଜ ଅଣ କାର୍ଯ୍ୟନିର୍ବାହୀ ଅଧ୍ୟକ୍ଷ ଭାବେ ନିଯୁକ୍ତିକୁ କମ୍ପାନୀର ବୋର୍ଡ ମଞୁରୀ ପ୍ରଦାନ କରିଛି।
