ଓ୍ବାଶିଂଟନ,୨।୬: କଂଗ୍ରେସ ନେତା ରାହୁଲ ଗାନ୍ଧୀ ଏବେ ଆମେରିକା ଗସ୍ତରେ ଅଛନ୍ତି। ମଙ୍ଗଳବାର ସେ ଆମେରିକାରେ ପହଞ୍ଚିଛନ୍ତି। ତାଙ୍କ ବିଦେଶ ଯାତ୍ରା ଆରମ୍ଭ ହେବା କ୍ଷଣି ଦେଶରେ ରାଜନୈତିକ ବାତାବରଣ ଉଷ୍ମ ହୋଇଉଠିଛି। ଅଭିଯୋଗ-ପ୍ରତି ଅଭିଯୋଗର ଖେଳ ଆରମ୍ଭ ହୋଇ ସାରିଛି। ଏହି କ୍ରମରେ ଓ୍ବାଶିଂଟନରେ ରାହୁଲ ଗାନ୍ଧୀ ମୁସଲିମ ଲିଗକୁ ଧର୍ମନିରପେକ୍ଷ ଦଳ ବୋଲି କହିଛନ୍ତି। ଏହାପରେ ପୁଣିଥରେ ଆରମ୍ଭ ହୋଇଛି ରାଜନୀତି। ରାହୁଲଙ୍କ ଏହି ବୟାନକୁ ନେଇ ଭାରତୀୟ ଜନତା ପାର୍ଟି(ଭାଜପା) କହିଛି ନିରୁପାୟ କଂଗ୍ରେସ ନେତା।
ବାସ୍ତବରେ, ଯେତେବେଳେ ରାହୁଲ ଗାନ୍ଧୀଙ୍କୁ ଆମେରିକାର ପ୍ରେସ କ୍ଲବରେ ପଚରାଯାଇଥିଲା ଯେ ତୁମର କେରଳରେ ଇଣ୍ଡିଆନ ୟୁନିଅନ ମୁସଲିମ ଲିଗ (ଆଇୟୁଏମଏଲ) ସହିତ ଏକ ମେଣ୍ଟ ଅଛି? ଏହାର ଜବାବରେ ଗାନ୍ଧୀ କହିଛନ୍ତି ଯେ ମୁସଲିମ ଲିଗ ଏକ ସଂପୂର୍ଣ୍ଣ ଧର୍ମନିରପେକ୍ଷ ଦଳ। ମୁସଲିମ ଲିଗ ବିଷୟରେ ଅଣ-ଧର୍ମନିରପେକ୍ଷ କିଛି ନାହିଁ।
ଇଣ୍ଡିଆନ ୟୁନିଅନ ମୁସଲିମ ଲିଗ ହେଉଛି କେରଳର ଏକ ଦଳ। କଂଗ୍ରେସ ନେତୃତ୍ୱାଧୀନ ୟୁଡିଏଫର ଏହା ଏକ ପାରମ୍ପାରିକ ସହଯୋଗୀ। ଆମେରିକାରେ ଦିଆଯାଇଥିବା ବୟାନକୁ ନେଇ ଭାରତରେ ଏବେ ରାଜନୀତି ହୋଇଛି ସରଗରମ। ଭାଜପା ଓ କଂଗ୍ରେସ ପରସ୍ପର ଉପରେ ଆକ୍ରମଣ କରୁଛନ୍ତି। ମୁସଲିମ ଲିଗକୁ ଧର୍ମନିରପେକ୍ଷ ଦଳ ବୋଲି କହି ରାହୁଲଙ୍କୁ ସମାଲୋଚନା କରିଛି ଭାଜପା ଏଥି ସହ କଂଗ୍ରେସ ବିଜେପି ନେତାଙ୍କୁ ମଧ୍ୟ ପରାମର୍ଶ ଦେଇଛି।
