ଥିରୁଭାନନ୍ତପୁରମ୍,୨୨।୧୨ : ଭୁଲିଯିବା ଅଧିକାର(ରାଇଟ୍ ଟୁ ଫରଗଟନ) ଉପରେ ଏକ ଗୁରୁତ୍ୱପୂର୍ଣ୍ଣ ବିଚାରରେ କେରଳ ହାଇକୋର୍ଟ ଗୁରୁବାର ଦିନ କହିଛନ୍ତି ଯେ ପରିବାର ତଥା ବିବାହ ସମ୍ବନ୍ଧୀୟ ମାମଲା ସମ୍ବନ୍ଧରେ ମକଦ୍ଦମାକାରୀଙ୍କ ବ୍ୟକ୍ତିଗତ ସୂଚନା ମକଦ୍ଦମାକାରୀଙ୍କ ଅନୁରୋଧ କ୍ରମେ ହାଇକୋର୍ଟ ୱେବସାଇଟରେ ପ୍ରକାଶ କରାଯାଇପାରିବ ନାହିଁ।
ଗୋପନୀୟତା ଅଧିକାର ଆଧାରରେ ବ୍ୟକ୍ତିଗତ ସୂଚନାର ସୁରକ୍ଷା ଦାବି ଖୋଲା ନ୍ୟାୟ ବ୍ୟବସ୍ଥାରେ ସହ-ରହିପାରିବ ନାହିଁ ବୋଲି ସ୍ବୀକାର କରି କୋର୍ଟ ଏହା ମଧ୍ୟ କହିଛନ୍ତି ଯେ ବିବାହ ବନ୍ଧନରେ ଆବଦ୍ଧ ଏବଂ ଅନ୍ୟ କେତେକ କ୍ଷେତ୍ରରେ ଆଇନ ଓପନ କୋର୍ଟ ବ୍ୟବସ୍ଥାକୁ ସ୍ବୀକୃତି ଦେଇ ନଥାଏ। ବ୍ୟକ୍ତିଗତ ପରିଚୟ ଲୁଚାଇବାକୁ ଅନୁମତି ପ୍ରଦାନ କରିଥାଏ।
ଜଷ୍ଟିସ ଏ.ମହମ୍ମଦ ମୁସ୍ତାକ ଏବଂ ଶୋବା ଅନ୍ନମ୍ମା ଏପେନଙ୍କ ନେତୃତ୍ୱରେ ଗଠିତ ଖଣ୍ଡପୀଠ କହିଛନ୍ତି ଯେ ସଂକ୍ଷେପରେ ଏହା କୁହାଯାଇପାରେ ଯେ ଗୋପନୀୟତା ଅଧିକାର ଆଧାରରେ ବ୍ୟକ୍ତିଗତ ତଥ୍ୟର ସୁରକ୍ଷା ଦାବି ଏକ ଓପନ ଅଦାଲତରେ ରହିପାରିବ ନାହିଁ।
ଖଣ୍ଡପୀଠ କହିଛନ୍ତି,ବର୍ତ୍ତମାନର ପ୍ରକ୍ରିୟାରେ ଭୁଲିଯିବାର ଅଧିକାର ଦାବି କରାଯାଇପାରିବ। ତେବେ ଏପରି ଅଧିକାରର କାରଣ ଦର୍ଶାଇବାକୁ ପଡିବ। ଏହା ସତ୍ତ୍ୱେ କୋର୍ଟ କହିଛନ୍ତି ଯେ ମାମଲାର ସତ୍ୟତା ଏବଂ ପରିସ୍ଥିତି ତଥା ଅପରାଧ କିମ୍ବା ଅନ୍ୟ କୌଣସି ମକଦ୍ଦମା ସହ ଜଡିତ ମାମଲାକୁ ଦୃଷ୍ଟିରେ ରଖି କୋର୍ଟ ଉପରୋକ୍ତ ଅଧିକାର ଅର୍ନ୍ତଗତ ବ୍ୟକ୍ତିଗତ ସୂଚନାକୁ ଅନୁମତି ଦେଇପାରନ୍ତି। ସର୍ଚ୍ଚ ଇଞ୍ଜିନ ଦ୍ୱାରା ଆକସେସ କରିବାକୁ ଏହାକୁ ଅପସାରଣ କରାଯାଇ ପାରିବ।