ଲଣ୍ଡନ,୧୫।୭: କରୋନାରେ ସଂକ୍ରମିତ ହୋଇଛନ୍ତି ଭାରତୀୟ ଉଇକେଟକିପର ବ୍ୟାଟ୍ସମ୍ୟାନ୍ ରିଷଭ ପନ୍ତ। ବିସିସିଆଇ ପକ୍ଷରୁ ଜଣେ କ୍ରିକେଟର ପଜିଟିଭ୍ ହୋଇଥିବା ନେଇ କୁହାଯାଇଥିଲା। ପରେ ଦଳ ସହ ପନ୍ତ ନ ଥିବାରୁ ସେ କରୋନା ସଂକ୍ରମିତ ହୋଇଥିବା ନେଇ ଏକ ପ୍ରକାର ସ୍ପଷ୍ଟ ହୋଇଛି। ତେବେ ଏହାଜଣା ପଡ଼ିବା ପରେ କ୍ରିକେଟ ପ୍ରଶଂସକମାନେ ପନ୍ତଙ୍କୁ ସମାଲୋଚନା କରୁଛନ୍ତି। ସେ ୟୁରୋ କପ୍ ୨୦୨୦ ଫୁଟ୍ବଲ ମ୍ୟାଚ୍ ଦେଖିବାକୁ ଯାଇଥିଲେ। ଏହାକୁ ନେଇ ତାଙ୍କୁ କଟାକ୍ଷ କରାଯାଉଛି।
ଟୁଇଟରରେ ଜଣେ ବ୍ୟବହାରକାରୀ କହିଛନ୍ତି, ୟୁକେରେ ରିଷଭ ପନ୍ତ କୋଭିଡ୍ ପଜିଟିଭ୍ ଚିହ୍ନଟ ହୋଇଛନ୍ତି। ଏଠାରେ ଭାରତୀୟ କ୍ରିକେଟ ଟିମ୍ ଅତିରିକ୍ତ ଛୁଟିରେ ଯାଇଥିବା ସ୍ପଷ୍ଟ ହେଉଛି। ଖେଳାଳିମାନଙ୍କୁ ଫୁଟବଲ୍ ମ୍ୟାଚ ଅଥବା ଭିଡ ଥିବା ସ୍ଥାନକୁ ଯିବାକୁ ଅନୁମତି କାହିଁକି ଦିଆଗଲା। ବାୟୋ-ବବଲ ଅର୍ଥ ଆଉ କ’ଣ ରହିଲା ବୋଲି ସେ କହିଛନ୍ତି।
Rishabh Pant tests positive for COVID-19 in UK, So Indian cricket team is here on extended holiday why on earth players are allowed to go to football matches and other crowded places,what is the point biodiversity-bubble. #RishabhPanthttps://t.co/AOhq9CwJXT via @timesofindia
— Frankly Speaking (@Jay33773120) July 15, 2021
ଅନ୍ୟଜଣେ ‘ଏହା ଅବହେଳା କରିବାର ଭିନ୍ନ ସ୍ତର। ଯେତେବେଳେ ଆପଣ ଟିମ୍ ସହ ଅଛନ୍ତି ସେତେବେଳେ ନିଜର ଯତ୍ନ ନେବା ଉଚିତ। ଏବେ ଭାରତକୁ ଏହାର କ୍ଷତି ସହିବାକୁ ହେବ ବୋଲି ଲେଖିଛନ୍ତି।
This is the level of carelessness
When you are with your team, it’s your own responsibility to take care of yourself
Now, India has to pay for your carelessness
#RishabhPant pic.twitter.com/jLKr9wkkp8
— Sangram Singh🇮🇳 (@SangramParihar_) July 15, 2021
କହିରଖୁଛୁ, ଜଣେ ଖେଳାଳି ପଜିଟିଭ୍ ଚିହ୍ନଟ ହୋଇଛନ୍ତି। ସେ ଗତ ୮ ଦିନରୁ ଆଇସୋଲେଶନରେ ଅଛନ୍ତି। ଦଳ ସହ ସେ ହୋଟେଲ୍ରେ ନାହାନ୍ତି। ଏହାଦ୍ୱାରା ଅନ୍ୟ ଖେଳାଳିମାନେ ସଂକ୍ରମିତ ହେବାର ସମ୍ଭାବନା ନାହିଁ ବୋଲି ବିସିସିଆଇ ଉପାଧ୍ୟକ୍ଷ ରାଜୀବ ଶୁକ୍ଳା ଗୁରୁବାର କହିଥିଲେ। ଅପରପକ୍ଷେ ପନ୍ତ ଏବେ ଲଣ୍ଡନରେ ଥିବା ନିଜ ବନ୍ଧୁଙ୍କ ଘରେ କ୍ୱାରାଣ୍ଟାଇନ୍ରେ ଥିବା କୁହାଯାଉଛି। ସେ ସମ୍ପୂର୍ଣ୍ଣ ସୁସ୍ଥ ହେବା ପରେ ଦଳରେ ସାମିଲ ହେବେ।
