କ୍ୱିଭ୍,୨୪ା୨: ରୁଷିଆ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଆରମ୍ଭ ହୋଇଯାଇଛି। ୟୁକ୍ରେନର ରାଜଧାନୀ ସମେତ ଅନେକ ସ୍ଥାନରେ ବିସ୍ଫୋରଣ କରିଛି ରୁଷିଆ। ଏହି ସମୟରେ ୟୁକ୍ରେନର ଯୁବତୀମାନେ କହିଛନ୍ତି ଯେ, ରୁଷିଆର ସୈନିକମାନେ ଡେଟିଂ ଆପ ଟିଣ୍ଡରରେ ସେମାନଙ୍କୁ ଫ୍ଲର୍ଟି ମେସେଜ ପଠାଉଛନ୍ତି।
ୟୁକ୍ରେନ-ରୁଷିଆ ଲଢ଼େଇ ମଧ୍ୟରେ ଜଣେ ୟୁକ୍ରେନ ଯୁବତୀ ସ୍କ୍ରିନ୍ଶଟ୍ ସେୟାର କରିଛନ୍ତି। ରୁଷିଆର ସୈନିକମାନେ ସୋସିଆଲ ମିଡିଆ ଏବଂ ଡେଟିଂ ଆପରେ ତାଙ୍କୁ ଫ୍ଲର୍ଟି ମେସେଜ ପଠାଉଛନ୍ତି। ଗୋଟିଏ ପଟେ ୟୁକ୍ରେନର ରାଜଧାନୀ କ୍ୱିଭ୍ ଏବଂ ଅନ୍ୟ ପ୍ରମୁଖ ସହର ଖାର୍କିଭରେ ଗୁଳିଗୋଳା ବର୍ଷଣ ହେଉଥିବାବେଳେ ରୁଷିଆର ସୈନିକମାନେ ୟୁକ୍ରେନ ଯୁବତୀଙ୍କୁ ଭେଟିବାକୁ ଦୌଡୁଛନ୍ତି।
ୟୁକ୍ରେନ୍ର ଦାଶା ସିନେଲେନିକୋଭା ଅଭିଯୋଗ ଆଣିଛନ୍ତି ଯେ, ଆଣ୍ଡ୍ରେ, ଆଲେକ୍ସଜାଣ୍ଡାର୍, ଗ୍ରେଗୋରୀ ଏବଂ ମାଇକେଲଙ୍କ ସମେତ ୧୦ ଜଣ ରୁଷିଆ ସୈନିକ ତାଙ୍କୁ ଡେଟିଂ ଆପ୍ରେ ପ୍ରୋଫାଇଲ କ୍ରିଏଟ୍ କରିଛନ୍ତି ଏବଂ ଯୁବତୀମାନଙ୍କୁ ଫ୍ଲର୍ଟି ମେସେଜ ପଠାଉଛନ୍ତି। ୩୩ ବର୍ଷୀୟା ଦାଶା କହିଛନ୍ତି, ୟୁକ୍ରେନର ରାଜଧାନୀ କ୍ୱିଭ୍ରେ ରୁହନ୍ତି । ଜଣେ ବନ୍ଧୁ ତାଙ୍କୁ କହିଥିଲେ ଯେ ଅନେକ ରୁଷିଆ ସୈନିକ ଟିଣ୍ଡରରେ ପ୍ରୋଫାଇଲ କରିଛନ୍ତି। ଏପରିକି ଯେତେବେଳେ ସେ ତାଙ୍କ ଅବସ୍ଥାନ ସେଟିଂକୁ ଖାର୍କିଭ ସହରରେ ପରିବର୍ତ୍ତନ କଲେ, ସେତେବେଳେ ରୁଷିଆର ସୈନିକମାନଙ୍କଠାରୁ ମେସେଜ୍ ଆସିଲା।
ସେ କହିଛନ୍ତି, ୟୁକ୍ରେନର ଯୁବତୀମାନେ ଶତ୍ରୁମାନଙ୍କର ଉତ୍ତର ଦିଅନ୍ତି ନାହିଁ। ସେ ଆଣ୍ଡ୍ରେ ନାମକ ଜଣେ ରୁଷିଆନ ସୈନିକଙ୍କ ସହ କଥା ହୋଇଥିଲେ। ସେ ତାଙ୍କୁ ତାଙ୍କ ଅବସ୍ଥାନ ବିଷୟରେ ପଚାରିଥିଲେ, ଯେଉଁଥିପାଇଁ ଆଣ୍ଡ୍ରେ ତୁରନ୍ତ ତାଙ୍କୁ ଭେଟିବାକୁ ରାଜି ହୋଇଥିଲେ ଏବଂ କହିଥିଲେ, ୨୦୧୪ ପରଠାରୁ ରୁଷିଆନମାନଙ୍କୁ ୟୁକ୍ରେନକୁ ସ୍ବାଗତ କରାଯାଇ ନାହିଁ। ଦାଶା ଅନେକ ସ୍କ୍ରିନଶଟ୍ ଦେଖାଇଥିଲେ, ଯାହା ରୁଷିଆର ସୈନିକମାନଙ୍କର ପ୍ରୋଫାଇଲ ଅଟେ। ତେବେ ଦାଶା ଏହା ମଧ୍ୟ କହିଛନ୍ତି ଯେ, ସେ ଶତ୍ରୁ ସହିତ କଦାପି ବୁଝାମଣା କରିବେ ନାହିଁ କିମ୍ବା ତାଙ୍କ ଅନୁରୋଧ ଗ୍ରହଣ କରିବେ ନାହିଁ।