ପୁଣେ,୩।୧୨: କରୋନା ଟିକା ମୂଲ୍ୟକୁ ନେଇ ଦୀର୍ଘ ଦିନରୁ ଆଲୋଚନା ହେଉଛି। ରବିବାର ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆର ସିଇଓ ଆଦର ପୁନାୱାଲା ଏହି ଟିକା ମୂଲ୍ୟ ବିଷୟରେ କହିଛନ୍ତି। ଅକ୍ସଫୋର୍ଡ ଟିକା ୨୦୦ ଟଙ୍କାରେ ସରକାରଙ୍କୁ ଦିଆଯିବ ଏବଂ ଜନସାଧାରଣ ଏହି ଟିକାକୁ ୧ ହଜାର ଟଙ୍କା ପାଇବେ। ପୁଣେର ସେରମ ଇନଷ୍ଟିଚ୍ୟୁଟରେ ଅକ୍ସଫୋର୍ଡ-ଏଷ୍ଟ୍ରାଜୈନିକା ଟିକା କୋଭିଶିଲ୍ଡ ପ୍ରସ୍ତୁତ କରାଯାଉଛି। ସୂଚନାଯୋଗ୍ୟ, ଭାରତର ଡ୍ରଗ କଣ୍ଟ୍ରୋଲର୍ ଜେନେରାଲ ରବିବାର କୋଭିଶିଲ୍ଡକୁ ଜରୁରୀକାଳୀନ ବ୍ୟବହାର ପାଇଁ ଅନୁମତି ଦେଇଛନ୍ତି। ସେରମ କମ୍ପାନୀର ସିଇଓ ଆଦର ପୁନାୱାଲା କହିଛନ୍ତି ଯେ, ୪୦-୫୦ ମିଲିୟନ୍ ଡୋଜ ଟିକା ପ୍ରୟୋଗ କରିବାକୁ ପ୍ରସ୍ତୁତ। ଏହି ଟିକା ୭-୧୦ ଦିନ ମଧ୍ୟରେ ଉପଲବ୍ଧ ହେବ। ଟିକା ରପ୍ତାନି କରିବାକୁ ସରକାର ଏପର୍ଯ୍ୟନ୍ତ ଆମକୁ ଅନୁମତି ଦେଇନାହାଁନ୍ତି। ସାଉଦି ଆରବ ଏବଂ ଅନ୍ୟ କେତେକ ଦେଶ ସହିତ ଆମର ଦ୍ୱିପାକ୍ଷିକ ସମ୍ପର୍କ ଅଛି। ଆସନ୍ତା କିଛି ସପ୍ତାହ ମଧ୍ୟରେ ଆମେ ସରକାରଙ୍କୁ ଅନୁମତି ଦେବାକୁ କହିବୁ। ଯାହା ଦ୍ୱାରା ଆମେ ଅନ୍ୟ ୬୮ଟି ଦେଶକୁ ଏହି ଟିକା ପ୍ରଦାନ କରିପାରିବ୍ୁ ବୋଲି ସେ କହିଛନ୍ତି।
