ନୂଆଦିଲ୍ଲୀ/ବାଲେଶ୍ୱର, ୮।୯(ବ୍ୟୁରୋ) : ଡିଆରଡିଓ ବୈଜ୍ଞାନିକ ଏବଂ ଭାରତୀୟ ସେନା ପକ୍ଷରୁ ଗୁରୁବାର ସଫଳତାର ସହ କ୍ୟୁଆରଏସଏଏମ୍ ସର୍ଫେସ-ଟୁ-ଏୟାର କ୍ଷେପଣାସ୍ତ୍ରର ସଫଳ ପରୀକ୍ଷଣ କରାଯାଇଛି। ପରୀକ୍ଷଣ ସମୟରେ, କ୍ଷେପଣାସ୍ତ୍ରଟି ନିର୍ଦ୍ଦିଷ୍ଟ ଲକ୍ଷ୍ୟକୁ ଧାର୍ଯ୍ୟ ସମୟ ମଧ୍ୟରେ ଭେଦ କରିଛି। ଡିଆରଡିଓୀ ଓଡିଶାର ଚାନ୍ଦିପୁର ରେଞ୍ଜରେ କ୍ଷେପଣାସ୍ତ୍ରର ପରୀକ୍ଷଣ କରାଯାଇଛି।
ଏହି କ୍ଷେପଣାସ୍ତ୍ରର ୩ କିଲୋମିଟରରୁ ୩୦ କିଲୋମିଟର ଦୂରତାରେଥିବା ଶତ୍ରୁ କ୍ଷେପଣାସ୍ତ୍ର, ବିମାନ, ହେଲିକପ୍ଟର ଏବଂ ଡ୍ରୋନକୁ ନଷ୍ଟ କରିପାରିବାର କ୍ଷମତା ରହିଛି।
ଏହି କ୍ଷେପଣାସ୍ତ୍ରର ଲମ୍ବ ୯୮ ଫୁଟ। ଏହା ଘଣ୍ଟା ପ୍ରତି ୫୭୫୮ କିଲୋମିଟର ବେଗରେ ଶତ୍ରୁ ଆଡକୁ ଗତି କରିବାକୁ ସକ୍ଷମ। ଫଳରେ ଶତ୍ରୁ ଖସିଯିବାର କୌଣସି ସୁଯୋଗ ପାଇବ ନାହିଁ।
ଏହାକୁ ଯେକୌଣସି ପାଣିପାଗ ସ୍ଥିତି ଏବଂ ଯେକୌଣସି ସ୍ଥାନରୁ ଉତ୍କ୍ଷେପଣ କରିହେବ। ଶତ୍ରୁ ଏହାର ଯୋଗାଯୋଗ ପ୍ରଣାଳୀକୁ ବାଧା ଦେଇପାରିବ ନାହିଁ। ଏହା ଶତ୍ରୁ ରାଡାରକୁ ଅକାମୀ କରିବାର କ୍ଷମତା ଅଛି। ଥରେ ଟାର୍ଗେଟ ଲକ୍ ହୋଇଗଲେ, କେହି ଏଥିରୁ ରକ୍ଷା ପାଇପାରିବେ ନାହିଁ।