ନୂଆଦିଲ୍ଲୀ,୮ ।୧୧: ମଣ୍ଡୋଲି ଜେଲରେ ମନି ଲଣ୍ଡରିଂ ମାମଲାରେ ବନ୍ଦୀଥିବା ଅଭିଯୁକ୍ତ ସୁକେଶ ଚନ୍ଦ୍ରଶେଖର ସୋମବାର ପୁଣିଏକ ଚିଠି ଜାରି କରିଛନ୍ତି । ଏଥିରେ ସେ ସିଧାସଳଖ ଭାବେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ପ୍ରଶ୍ନ କରିଛନ୍ତି । ସେ କହିଛନ୍ତି, ବିନା କାରଣ ନ ଥାଇ ବୟାନ ଦେଇ ଅସଲ ପ୍ରସଙ୍ଗକୁ ବିଗାଡିବା ବଦଳରେ ସିଧାସିଧା ତାଙ୍କ ପ୍ରଶ୍ନର ଉତ୍ତର ଦିଅନ୍ତୁ ।
ସୁକେଶ ଅଭିଯୋଗ କରିଛନ୍ତି, ସେ ଜେଲ ପ୍ରଶାସନ ଓ ଦିଲ୍ଲୀ ସରକାରରେ ମନ୍ତ୍ରୀ ଥିବା ସତ୍ୟେନ୍ଦ୍ର ଜୈନଙ୍କ ଧମକ ଓ ଚାପକୁ ଦେଖି ଆଇନର ଆଶ୍ରୟ ନେବା ଠିକ୍ ବୋଲି ଭାବିଲେ । ଉପରାଜ୍ୟପାଳଙ୍କୁ ଚିଠି ଲେଖିବାକୁ କେହି ମୋ ଉପରେ ଚାପ ପକାଇ ନାହାନ୍ତି ।
ସୁକେଶ ଚନ୍ଦ୍ରଶେଖର କହିଛନ୍ତି, ସେ ମୁଖ୍ୟମନ୍ତ୍ରୀ ଓ ଆମ ଆଦମୀ ପାର୍ଟିର ଶିଷ୍ୟ ନୁହଁନ୍ତି । ସେ କାହାକୁ ଭୟ କରନ୍ତି ନାହିଁ । ଯଦି ସେ ଉପରାଜ୍ୟପାଳଙ୍କୁ ଚିଠି ଲେଖିବା ଭୁଲ ତେବେ ସେ ଯେ କୌଣସି ଆଇନର ଲଢେଇ ଲଢିବାକୁ ପ୍ରସ୍ତୂତ ଅଛନ୍ତି । ଏଥିପାଇଁ ଫାଶୀ ମିଳିଲେ ବି ସେ ରାଜି ବୋଲି କହିଛନ୍ତି । କିନ୍ତୁ ମୁଖ୍ୟମନ୍ତ୍ରୀ ଯଦି ତାଙ୍କୁ ମିଥ୍ୟାବାଦୀ ବୋଲି ପ୍ରମାଣ କରିବାକୁ ଅସମର୍ଥ ହେବେ ତେବେ ସେ ଇସ୍ତଫା ଦେବା ଉଚିତ୍ । ଏ ସମସ୍ତ ଘଟଣାର ସିବିଆଇ ତଦନ୍ତ୍ର ହେବା ଉଚିତ ବୋଲି ସୁକେଶ କହିଛନ୍ତି ।