ନୂଆଦିଲ୍ଲୀ, ୨୬।୦୭: ଲୋକପ୍ରିୟ ସର୍ଚ୍ଚ ଇଞ୍ଜିନ୍ ଗୁଗୁଲର ସିଇଓ ସୁନ୍ଦର ପିଚାଇଙ୍କୁ ନିଜେ ପଢ଼ୁଥିବା ଅନୁଷ୍ଠାନରୁ ବଡ଼ ଉପାଧି ମିଳିଛି । ଆଇଆଇଟି ଖଡ଼ଗପୁରରୁ ସେ ଡକ୍ଟରେଟ୍ ଉପାଧି ଲାଭ କରିଛନ୍ତି । ସାନ୍ ଫ୍ରାନ୍ସିକୋରେ ଆୟୋଜିତ କାର୍ଯ୍ୟକ୍ରମରେ ତାଙ୍କୁ ଏହା ପ୍ରଦାନ କରାଯାଇଛି । ଏଥି ସହିତ ତାଙ୍କ ସ୍ତ୍ରୀ ଅଞ୍ଜଳୀ ପିଚାଇଙ୍କୁ କେମିକାଲ୍ ଇଞ୍ଜିନିୟରିଂ ପାଇଁ ଆଲୁମିନସ୍ ଆୱାର୍ଡ ମିଳିଛି ।
ଇନ୍ଷ୍ଟାଗ୍ରାମରେ ପୋଷ୍ଟ କରି ଗୁଗୁଲ ସିଇଓ ଏହି ସୂଚନା ଦେଇଛନ୍ତି । ସେ ଏଥିରେ ଲେଖଛନ୍ତି, ତାଙ୍କ ମାଆ-ବାପା ସର୍ବଦା ଚାହୁଁଥିଲେ ଯେ ସେ ପିଏଚ୍ଡି କରନ୍ତୁ । ସେ ଏ ପର୍ଯ୍ୟନ୍ତ ପହଞ୍ଚିବା ପାଇଁ ସହଯୋଗ କରିଥିବାରୁ ଏଥିପାଇଁ ତାଙ୍କ ଅନୁଷ୍ଠାନକୁ ଧନ୍ୟବାଦ ଦେଇଛନ୍ତି । ତେବେ ଏହି କାର୍ଯ୍ୟକ୍ରମରେ ଆଇଆଇଟି ଖଡ଼ଗପୁରର ନିର୍ଦ୍ଦେଶକ ଭିକେ ତାୱାରି ମଧ୍ୟ ଯୋଗଦେଇଥିଲେ ବୋଲି ଜଣାପଡ଼ିଛି ।