ବାରାଣସି,୨୭ ।୯: ପଞ୍ଚଗଙ୍ଗା ଘାଟରେ କିଛି ଦୀପର ଆଲୋକ ସହ ଆରମ୍ଭ ହୋଇଥିବା କାଶୀର ଦେବ ଦୀପାବଳି ମୋଦି-ଯୋଗୀଙ୍କ ଶାସନକାଳ ମଧ୍ୟରେ ଲୋକାଲରୁ ଗ୍ଲୋବାଲ ହୋଇଯାଇଛି । ଆକାଶରୁ ଯେମିତି ତାରାଙ୍କୁ ପୃଥିବୀକୁ ଓହ୍ଲାଇ ଆଣିଥିବା ଆଭାସ ଦେଉଥିବା କାଶୀର ଦେବ ଦୀପାବଳିକୁ ଦେଖିବାକୁ ବହୁ ସଂଖ୍ୟାରେ ପର୍ଯ୍ୟଟକ ଏଠାରେ ପହଞ୍ଚି ଥାଆନ୍ତି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିର୍ଦ୍ଦେଶ କ୍ରମେ ଚଳିତ ବର୍ଷ ବି କାଶୀରେ ଭବ୍ୟ ଦେବ ଦୀପାବଳୀର ଆୟୋଜନ ପାଇଁ ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଗଲାଣି ।
ପର୍ଯ୍ୟଟନ ବିଭାଗର ସୂଚନା ଅନୁଯାୟୀ, ଚଳିତ ବର୍ଷ ଦେବ ଦୀପାବଳିରେ କାଶୀ ଘାଟକୁ ୧୦ ଲକ୍ଷ ଦୀପରେ ଆଲୋକିତ କରାଯିବ । ବ୍ରାଣ୍ଡ ବନାରସ ଓ କାଶୀ ବିଶ୍ୱନାଥ ଧାମର ବିସ୍ତାର କରାଯିବା ପରେ ବାରଣାସୀରେ ରେକର୍ଡ ସଂଖ୍ୟାରେ ପର୍ଯ୍ୟଟକ ଏଠାକୁ ଆସୁଛନ୍ତି । ଏଥର ଦେବ ଦୀପାବଳୀରେ ବି ରେକର୍ଡ ସଂଖ୍ୟକ ପର୍ଯ୍ୟଟକ ଆସିବା ଅନୁମାନ କରାଯାଉଛି ।