ନୂଆଦିଲ୍ଲୀ,୧୪।୧୨ (ଅଭୟ ଦାଶ): ପ୍ରତିବର୍ଷ ଭଳି ଚଳିତବର୍ଷର ଶେଷ ସମୟରେ ବିଶ୍ୱର ଶ୍ରେଷ୍ଠ ଧନୀ ପରିବାରର ତାଲିକା ରେଟିଂ ଏଜେନ୍ସି ତଥା ବ୍ଲୁମବର୍ଗସ୍ର ଓ୍ବାଲର୍ଡ ରିଚିଏଷ୍ଟ ଫ୍ୟାମିଲିଜ୍-୨୦୨୪ ସମ୍ପର୍କରେ ଘୋଷଣା କରାଯାଇଛି। ଏହି ତାଲିକା ଅନୁଯାୟୀ ଆମେରିକାର ବିଶିଷ୍ଟ ବ୍ୟବସାୟୀ ତଥା ଓ୍ବାଲ୍ମାର୍ଟ ଗ୍ରୁପର ମାଲିକ ସାମ୍ ଓ୍ବାଲ୍ଟନ ଏବଂ ଦି ଓ୍ବାଲ୍ଟନ୍ସ ଅଫ ଓ୍ବାଲ୍ମାର୍ଟ (ୟୁଏସ) ପରିବାର ବିଶ୍ୱର ଏକ ନମ୍ବର ଧନୀ ପରିବାରର ମାନ୍ୟତା ପାଇଥିବା ଜଣାପଡ଼ିଛି। ଏପରି କି ୪୩୨.୪ ବିଲିୟନ ଡଲାର ମୂଲ୍ୟର ସମ୍ପତ୍ତିର ମାଲିକ ଓ୍ବାଲ୍ଟନ୍ସ ପରିବାର ବିଶ୍ୱର ଶ୍ରେଷ୍ଠ ବା ଏକ ନମ୍ବର ଧନୀ ପରିବାରର ମାନ୍ୟତା ପାଇଥିଲା ବେଳେ ଭାରତର ବିଶିଷ୍ଟ ଶିଳ୍ପପତି ତଥା ରିଲାଏନ୍ସ ଇଣ୍ଡଷ୍ଟ୍ରିର ମାଲିକ ମୁକେଶ ଅମ୍ବାନୀଙ୍କ ଅମ୍ବାନୀ ପରିବାର ୯୯.୬ ବିଲିୟନ ଡଲାର ମୂଲ୍ୟର ସମ୍ପତ୍ତି ସହ ବିଶ୍ୱର ୮ମ ଧନୀ ପରିବାର ଭାବେ ସ୍ବୀକୃତି ଲାଭ କରିଛନ୍ତି। ସେହିଭଳି ଭାରତର ଅନ୍ୟତମ ପ୍ରମୁଖ ବ୍ୟବସାୟୀ ପ୍ରତିଷ୍ଠାନ ସାପୁରଜିପାଲନଜି ଗ୍ରୁପ୍ର ମାଲିକ ତଥା ମିସ୍ତ୍ରୀ ପରିବାର ୪୧.୪ ବିଲିୟନ ଡଲାର ସହ ତାଲିକାର ୨୩ତମ ସ୍ଥାନରେ ରହିଛନ୍ତି।
ଉଲ୍ଲେଖଯୋଗ୍ୟ, ବ୍ଲୁମବର୍ଗସ୍ର ଓ୍ବାଲ୍ଡର୍ର୍ ରିଚିଏଷ୍ଟ ଫ୍ୟାମିଲିଜ୍-୨୦୨୪ ସୂଚୀରେ ଦି ଓ୍ବାଲ୍ଟନ୍ସ ଅଫ ଓ୍ବାଲ୍ମାର୍ଟ (ୟୁଏସ) ପରିବାର ଏକ ନମ୍ବର ସ୍ଥାନରେ ଥିଲାବେଳେ ୨ୟ ସ୍ଥାନରେ ଦି ଏଆଇ ନାୟାନ ଫ୍ୟାମିଲିଜ୍ (ୟୁଏଇ), ୩ୟ ସ୍ଥାନରେ ଦି ଏଆଇ ଥାନୀ ଫ୍ୟାମିଲିଜ୍ (କତାର), ୪ର୍ଥ ସ୍ଥାନରେ ଦି ହର୍ମସ ଫ୍ୟାମିଲିଜ୍ (ଫ୍ରାନ୍ସ) ଏବଂ ୫ମ ସ୍ଥାନରେ ଦି କୋଚ୍ ଫ୍ୟାମିଲିଜ୍ (ୟୁଏସ୍) ରହିଛନ୍ତି। ଅପରପକ୍ଷରେ ଏଲନ୍ମସ୍କ ବ୍ୟକ୍ତିଗତ ଭାବେ ବିଶ୍ୱର ଶ୍ରେଷ୍ଠ ଧନୀ ଭାବେ ପରିଗଣିତ ହେଉଛନ୍ତି।