ଖଣ୍ଡପଡ଼ା,୨୩ା୨(ସ୍ବ.ପ୍ର.): ଖଣ୍ଡପଡ଼ା ବ୍ଲକ ଅଧିନ ଖଳିସାହି- ଆଡ଼କଟା ମୁଖ୍ୟ ରାସ୍ତାଠାରୁ କୁମ୍ଭାରପଡ଼ା ଗ୍ରାମ ଦେଇ ଖଡ଼ଗପ୍ରସାଦ ଗଁାକୁ ସଂଯୋଗ କରୁଥିବା ରାସ୍ତା ନିର୍ମାଣରେ ଅହେତୁକ ବିଳମ୍ବ ଯୋଗୁ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ଖଣ୍ଡପଡ଼ା ଗ୍ରାମ୍ୟ ଉନ୍ନୟନ ବିଭାଗ ଅଧୀନରେ ଥିବା ଏହି ରାସ୍ତାର ଉନ୍ନତିକରଣ ନିମନ୍ତେ କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ସଡ଼କ ଯୋଜନାରେ ୨ କୋଟି ୨୦ଲକ୍ଷ ୯୫ ହଜାର ଟଙ୍କା ଆର୍ଥତ୍କ ଅନୁଦାନ ମଞ୍ଜୁର ହୋଇଛି । ୨୦୨୧ ଡିିସେମ୍ବର ୭ ରୁ ଆରମ୍ଭ ହୋଇଥିବା ରାସ୍ତା କାମ ୨୦୨୨ ସେପ୍ଟେମ୍ବର ୬ରେ ଶେଷ ହେବାର ଥିଲା। ଇତି ମଧ୍ୟରେ ୫ମାସରୁ ଊର୍ଦ୍ଧ୍ୱ ସମୟ ଅତିବାହିତ ହୋଇ ଥିଲେ ହେଁ କାମ ଅଧପନ୍ତରିଆ ହୋଇ ପଡ଼ି ରହିଛି । କେବେ ରାସ୍ତାରେ ପିଚୁ ପଡିବ ଏ ନେଇ ଅନିଶ୍ଚିତତା ଦେଖା ଦେଇଛି । ସଂରକ୍ଷିତ ଜଙ୍ଗଲ ନିକଟ ଦେଇ ରାସ୍ତାଟି ଯାଇଥିବାରୁ ଉକ୍ତ ଜଙ୍ଗଲରୁ ମୋରମ ଖୋଳି ରାସ୍ତାରେ ବ୍ୟବହାର କରାଯାଇଥିବାରୁ ରାସ୍ତା ପାର୍ଶ୍ୱରେ ଗତ୍ତର୍ର୍ ସୃଷ୍ଟି ହୋଇଛି । ସେହି ଗର୍ତ୍ତରେ ବର୍ଷା ଦିନେ ପାଣି ଜମି ରହି ରାସ୍ତା ପାଇଁ ବିପଦର କାରଣ ପାଲଟିବ ବୋଲି ସାଧାରଣରେ ଆଲୋଚନା ହେଉଛି । ଅଧପନ୍ତରିଆ ରାସ୍ତା ଯୋଗୁ ଜନସାଧାରଣ ଅସୁବିଧାର ସମ୍ମୁଖୀନ ହେଉଛନ୍ତି। ତୁରନ୍ତ କାର୍ଯ୍ୟକୁ ଶେଷ କରିବାକୁ ସାଧାରଣରେ ଦାବି ହେଉଛି। ବିଭାଗୀୟ ଉଚ୍ଚ କତ୍ତୃପକ୍ଷ ଏଥିପ୍ରତି ଦୃଷ୍ଟି ଦେବାକୁ ଦାବି ହେଉଛି। ଏ ସମ୍ପର୍କରେ ଖଣ୍ଡପଡ଼ା ଗ୍ରାମ୍ୟ ଉନ୍ନୟନ ସହକାରୀ ଯନ୍ତ୍ରୀ ଜୟ ପଣ୍ଡା କହିଛନ୍ତି ନୂତନ ଟେକ୍ନୋଲୋଜିରେ ପିଚୁ କାମ କରିବା ପାଇଁ ନିର୍ଦ୍ଦେଶ ରହିଥିବାରୁ କାର୍ଯ୍ୟନିର୍ବାହୀମାନେ କାମ କରିବାକୁ ଅନିଚ୍ଛା ପ୍ରକାଶ କରୁଛନ୍ତି । ଖୁବ୍ଶୀଘ୍ର କାର୍ଯ୍ୟ ସମ୍ପନ୍ନ କରାଯିବାକୁ ବ୍ୟବସ୍ଥା କରାଯାଉଥିବା ସେ ସୂଚନା ଦେଇଛନ୍ତି।