ତିରୁପତି,୧୩।୯: ପ୍ରଭୁ ଭେଙ୍କଟେଶ୍ୱରଙ୍କ ତିରୁମାଲା ମନ୍ଦିର ହୁଣ୍ଡିରୁ ଅଗଷ୍ଟ ମାସରେ ୧୪୦.୩୪ କୋଟି ଟଙ୍କା ସଂଗ୍ରହ ହୋଇଛି। ଗତ ମାସରେ ୨୨.୨୨ ଲକ୍ଷ ଭକ୍ତ ମନ୍ଦିରକୁ ଆସିଥିବା ବେଳେ ତିରୁମାଲା ତିରୁପତି ଦେବସ୍ଥାନମ୍(ଟିଟିଡି) ପକ୍ଷରୁ ସେମାନଙ୍କୁ ୧.୫ କୋଟି ଟଙ୍କା ବିନିମୟରେ ଲଡ଼ୁ ବଣ୍ଟା ଯାଇଥିବା କୁହାଯାଉଛି। ସୂଚନା ମୁତାବକ, ଟିଟିଡି ୪୭.୭୪ ଲକ୍ଷ ଭକ୍ତଙ୍କୁ ଅନ୍ନ ପ୍ରସାଦ ବାଣ୍ଟିବା ସହ ୧୦.୮୫ ଲକ୍ଷ ଶ୍ରଦ୍ଧାଳୁ ମନ୍ଦିରରେ ମୁଣ୍ଡନ କରାଯାଇଛି ବୋଲି ମନ୍ଦିରର ଇଓ ଏଭି ଧର୍ମା ରେଡ୍ଡୀ କହିଛନ୍ତି। ଆସନ୍ତା ୨୭ରେ ତିରୁମାଲା ମନ୍ଦିରରେ ହେବାକୁ ଥିବା ବ୍ରହ୍ମୋତ୍ସବମ୍ରେ ୯ଦିନ ଧରି ଚାଲିବ। ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ ଭେଙ୍କଟେଶ୍ୱର ପ୍ରଭୁଙ୍କୁ ପତ୍ତୁ ବସ୍ତ୍ରମ୍ ଦାନ କରିବା ସହ ଟିଟିଡି ପକ୍ଷରୁ ୨୩କୋଟି ବିନିମୟରେ ନିର୍ମିତ ପାରାକାମାନି କମ୍ପଲେକ୍ସ ବିଲ୍ଡିଂ ଉନ୍ମୋଚନ କରାଯିବାର କାର୍ଯ୍ୟକ୍ରମ ରହିଛି।