ଲଣ୍ଡନ, ୨୭।୨: କ୍ରିକେଟର ବିରାଟ କୋହଲି ଏବଂ ତାଙ୍କ ସ୍ତ୍ରୀ ତଥା ଅଭିନେତ୍ରୀ ଅନୁଷ୍କା ଶର୍ମାଙ୍କ ଘରେ ଖୁସିର ପରିବେଶ ଅଛି। ନିକଟରେ ଏହି ଅଭିନେତ୍ରୀ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି। ଅନୁଷ୍କା ଲଣ୍ଡନରେ ପୁଅ ଅକାୟଙ୍କୁ ଜନ୍ମ ଦେଇଛନ୍ତି। ଯେଉଁଠାରେ ତାଙ୍କର ସମସ୍ତ ପରିବାର ତାଙ୍କ ସହିତ ଅଛନ୍ତି । ନିକଟରେ ଲଣ୍ଡନରୁ ବିରାଟ କୋହଲିଙ୍କ ଏକ ଫଟୋ ସାମ୍ନାକୁ ଆସିଥିଲା। ଏବେ ଆଉ ଏକ ଫଟୋ ଭାଇରାଲ ହେଉଛି ଯେଉଁଥିରେ ବାପା- ଝିଅ ବିରାଟ-ଭାମିକା ଲଞ୍ଚ ଡେଟ୍ରେ ଯାଇଛନ୍ତି। ରେଷ୍ଟୁରାଣ୍ଟରୁ ଭାମିକା ଏବଂ ବିରାଟଙ୍କ ଫଟୋ ଭାଇରାଲ ହେବାରେ ଲାଗିଛି। ଅନୁଷ୍କା ଅକାୟଙ୍କ ଯତ୍ନ ନେଉଥିବାବେଳେ ବିରାଟ ଝିଅ ଭାମିକାଙ୍କର ସମ୍ପୂର୍ଣ୍ଣ ଯତ୍ନ ନେଉଛନ୍ତି। ବର୍ତ୍ତମାନ ପ୍ରଶଂସକମାନେ ଉଭୟଙ୍କୁ ଏକାଠି ଦେଖି ବହୁତ ଖୁସି ହୋଇଛନ୍ତି।