କଟକ ଅଫିସ,୧୧ା୬: ପ୍ରଥମ ମ୍ୟାଚ୍ରେ ବୋଲିଂ ଭଲ ନ ହେବାରୁ ଆମେ ହାରିଲୁ। ଏହି ମ୍ୟାଚ୍ରେ ଜିତିବା ପାଇଁ ଚେଷ୍ଟା କରିବୁ ବୋଲି ଶନିବାର ବାରବାଟୀରେ ପ୍ରାକ୍ଟିସ ପୂର୍ବରୁ ଭାରତୀୟ ବୋଲର ଭୁବନେଶ୍ୱର କୁମାର ଏକ ଖବରଦାତା ସମ୍ମିଳନୀରେ ପ୍ରକାଶ କରିଛନ୍ତି।
ସେ କହିଛନ୍ତି, ଯେଉଁମାନେ ଆଇପିଏଲ୍ରେ ଭଲ ଖେଳିଥିଲେ ସେମାନେ ଦଳରେ ଅଛନ୍ତି। ଅବଶ୍ୟ ସିନିୟର ବୋଲର ନାହାନ୍ତି। ଯେତିକି ନୂଆ ବୋଲର ରହିଛନ୍ତି, ସେମାନଙ୍କୁ ନେଇ ଖେଳିବାକୁ ପଡ଼ିବ। ନୂଆ ବୋଲରଙ୍କୁ ଦାୟିତ୍ୱ ନେଇ ଭଲ ଖେଳ ଦେଖାଇବାକୁ ପଡ଼ିବ। ବିଶ୍ୱ କପ୍କୁ ଯିବା ପୂର୍ବରୁ ସମସ୍ତଙ୍କୁ ପ୍ରସ୍ତୁତ ହେବାକୁ ପଡ଼ିବ। ବୋଲିଂ ଭଲ ହେଲେ କ୍ୟାପଟେନଙ୍କ ଉପରେ ଶ୍ରେୟ ଯାଇଥାଏ। ନଚେତ୍ ନିଷ୍ପତ୍ତି ଖରାପ ବୋଲି ଲୋକେ କହିଥାନ୍ତି। ଉମରାନ ମଲିକ ଖେଳିବା ନିଷ୍ପତ୍ତି କୋଚ୍ ଓ କ୍ୟାପଟେନ ନେବେ।