ଲେହେଙ୍ଗା ଡିଜାଇନ୍ ଏପରି ହୋଇଥାଏ ଯେ ଥରେ ପିନ୍ଧିବା ପରେ ଏହାକୁ ପୁଣି ଥରେ ପିନ୍ଧିଲେ ରିପିଟ୍ କରିବା ଭଳି ମନେ ହେବ। କିନ୍ତୁ ଲେହେଙ୍ଗାକୁ ବିଭିନ୍ନ ଢଙ୍ଗରେ ପିନ୍ଧିଲେ ତାହା ନୂଆ ଡିଜାଇନ୍ ଭଳି ମନେହେବ। ତେଣୁ ଲେହେଙ୍ଗାକୁ କିପରି ପିନ୍ଧିଲେ ତାହା ନୂଆ ପରି ଲାଗିବ ଜାଣି ରଖନ୍ତୁ।
ଶର୍ଟସ କିମ୍ବା ଟପ୍ ସହିତ: ଲେହେଙ୍ଗାର ସ୍କର୍ଟ ସହିତ ଟ୍ରେଣ୍ଡି ଟପ୍ କିମ୍ବା ଶର୍ଟସ ମଧ୍ୟ ପିନ୍ଧିପାରିବେ। ଶୁଣିବାକୁ ଏହା ଅଜବ ମନେହେଲେ ବି ଆଜିକାଲି ଫ୍ୟାଶନ ଟ୍ରେଣ୍ଡରେ ସେଲିବ୍ରିଟିମାନେ ବି ଏପରି ପିନ୍ଧୁଛନ୍ତି। ଲେହେଙ୍ଗା ଷ୍ଟାଇଲ୍ ସ୍କର୍ଟ ସହିତ ମ୍ୟାଚିଂ ଟପ୍ କିମ୍ବା ଶର୍ଟସ ପିନ୍ଧିଲେ ତାହା ଏକ ଟ୍ରେଣ୍ଡି ଲୁକ୍ ଦେଇପାରିବ।
ଚୋଲୀ କିମ୍ବା ବ୍ଲାଉଜ୍ ସହ ପ୍ଲାଜୋ:
ଲେହେଙ୍ଗାର ଚୋଲୀକୁ ଆପଣ ପ୍ଲାଜୋ ସହିତ ମ୍ୟାଚ କରି ପିନ୍ଧିପାରିବେ। ବଲିଉଡ୍ ଅଭିନେତ୍ରୀମାନେ ଏପରି ଭାବେ ପିନ୍ଧି ଫ୍ୟାଶନ ଟ୍ରେଣ୍ଡରେ ନୂଆ ଲୁକ୍ ଦେଇଛନ୍ତି।
ଶାଢି ସହିତ: ଲେହେଙ୍ଗାର ବ୍ଲାଉଜ୍କୁ ଶାଢି ସହ ବି ପିନ୍ଧିହେବ। ଯଦି ଆପଣଙ୍କ ଲେହେଙ୍ଗା ବ୍ଲାଉଜ୍ ଗୋଲ୍ଡେନ ରଙ୍ଗର ଏବଂ ସେଥିରେ ହେଭି କାମ ହୋଇଛି ତେବେ ଆପଣ ତାକୁ ପ୍ଲେନ୍ ଲୁକିଙ୍ଗ୍ ଶାଢି କିମ୍ବା ଗୋଲ୍ଡେନ ବର୍ଡର ଶାଢି ସହିତ ପିନ୍ଧି ପାରିବେ। ଆପଣ ଚାହିଁଲେ କଣ୍ଟ୍ରାଷ୍ଟିଙ୍ଗ୍ ଲୁକ୍ରେ ବି ଶାଢି ପିନ୍ଧିପାରିବେ। ଆଜିକାଲି ଫ୍ୟାଶନ୍ ଟ୍ରେଣ୍ଡରେ ଏହି ଲୁକ୍ ବି ବେଶ୍ ଚାଲିଛି।