ଜବଲପୁର,୩୧ା୧୨: ଆମେରିକାରୁ ମଧ୍ୟପ୍ରଦେଶର ଜବଲପୁରକୁ ଫେରିଥିବା ଜଣେ ୩୮ ବର୍ଷୀୟ ମହିଳା କୋଭିଡ୍ ପଜିଟିଭ୍ ଚିହ୍ନଟ ହୋଇଛନ୍ତି। ଗତ ୨୩ ତାରିଖରେ ମହିଳା ଜଣକ ତାଙ୍କ ସ୍ବାମୀ ଓ ଝିଅଙ୍କ ନୂଆଦିଲ୍ଲୀ ଓ ଆଗ୍ରା ଦେଇ ଜବଲପୁରରେ ପହଞ୍ଚତ୍ଥିଲେ। ତାଙ୍କୁ ଥଣ୍ଡା ଓ କାଶ ହୋଇଥିବାରୁ କୋଭିଡ୍ ପରୀକ୍ଷା କରାଇବା ପରେ ପଜିଟିଭ୍ ଜଣାପଡ଼ିଥିଲା। ତାଙ୍କ ନମୁନାର ଜିନୋମ ସିକ୍ୱେନ୍ସିଂ ପାଇଁ ଗ୍ବାଲିୟରର ଡିଆର୍ଡିଓ ଲାବରେଟୋରିକୁ ପଠାଯାଇଛି। ଆମେରିକାରେ କାର୍ଯ୍ୟ କରୁଥିବା ଏହି ମହିଳା ଜଣଙ୍କ କୋଲକାତାରେ ଏକ ପାରିବାରିକ ଉତ୍ସବରେ ଯୋଗଦେବା ଲାଗି ୩ ସପ୍ତାହ ପାଇଁ ଭାରତ ଆସିଛନ୍ତି।