ରିଫୁ, ୨୨ା୭ (ଏପି)- ଅଲିମ୍ପିକ୍ସ ମହିଳା ଫୁଟ୍ବଲ ଟୁର୍ନାମେଣ୍ଟ ଆରମ୍ଭ ହୋଇଛି। ବୁଧବାର ବ୍ରାଜିଲ ୫-୦ ଗୋଲରେ ଚାଇନାକୁ ପରାସ୍ତ କରିଛି। ବିଶ୍ୱ ର଼୍ୟାଙ୍କିଙ୍ଗରେ ୭ ନମ୍ବର ସ୍ଥାନରେ ରହିଥିବା ବ୍ରାଜିଲ ଦଳ ତରଫରୁ ମାର୍ଟା ଭିଏରା ଡା’ ସିଲ୍ଭା ଏହି ମ୍ୟାଚ୍ରେ ୨ ଗୋଲ ସ୍କୋର କରିଥିବାବେଳେ ଦେବିନା, ଆନ୍ଦ୍ରେସା ଆଲ୍ଭେସ୍ ଓ ବିଟ୍ରିଜ୍ ଗୋଟିଏ ଲେଖାଏ ଗୋଲ ଦେଇଥିଲେ। ୬ ଥର ଫିଫା ପ୍ଲେୟର ଅଫ୍ ଦି ଇୟର ବିବେଚିତ ହୋଇଥିବା ମାର୍ଟା କ୍ରମାଗତ ୫ଟି ଅଲିମ୍ପିକ୍ସରେ ଗୋଲ ସ୍କୋର କରିବାରେ ପ୍ରଥମ ଖେଳାଳି ବିବେଚିତ ହୋଇଛନ୍ତି। ତାଙ୍କ ଅନ୍ତର୍ଜାତୀୟ ଗୋଲ ସଂଖ୍ୟା ୧୧୧ରେ ପହଞ୍ଚତ୍ଛି। ବ୍ରାଜିଲର କୌଣସି ପୁରୁଷ ଅବା ମହିଳା ଖେଳାଳି ଭାବେ ଏହା ସର୍ବାଧିକ। ଚାଇନା ହେଉଛି ବିଶ୍ୱର ୧୫ ନମ୍ବର ର଼୍ୟାଙ୍କିଙ୍ଗପ୍ରାପ୍ତ ଦଳ। ଏସିଆନ କ୍ୱାଲିଫାଇଂ ଟୁର୍ନାମେଣ୍ଟର ରନର୍ସଅପ୍ ଦଳ ଭାବେ ଅଲିମ୍ପିକ୍ସ ଯୋଗ୍ୟତା ହାସଲ କରିଛି। ଚାଇନା ଦଳ ୫ମ ଥର ପାଇଁ ଅଲିମ୍ପିକ୍ସରେ ଭାଗ ନେଇଛି। ଦଳ ୧୯୯୬ରେ ଶ୍ରେଷ୍ଠ ପ୍ରଦର୍ଶନ ସହ ରନର୍ସଅପ୍ ହୋଇଥିଲା।