ବଲାଙ୍ଗୀର ଅଫିସ, ୨୦ା୭ ବର୍ଷାଭାବରୁ ଚାଷ ଉଜୁଡି ଯିବାରୁ ବଲାଙ୍ଗୀର ସଦର ବ୍ଳକ ବରକାନୀ ଗଁାର ଯୁବଚାଷୀ ଭକ୍ତବନ୍ଧୁ ଦଣ୍ଡସେନା ବିଷପାନ କରି ଆତ୍ମହତ୍ୟା କରିଥିବା ଅଭିଯୋଗ ହୋଇଛି ା ଏଭଳି ଅଭିଯୋଗ ପରେ ଜିଲା କୃଷି ଉପନିର୍ଦ୍ଦେଶକ ଶ୍ରୀଧର ଦାସ ଓ ଅନ୍ୟ କୃଷି ଅଧିକାରୀ ଶୁକ୍ରବାର ବରକାନୀ ଗଁାରେ ପହଞ୍ଚତ୍ ମୃତ ଚାଷୀଙ୍କ ପରିବାରବର୍ଗଙ୍କ ସହ ଆଲୋଚନା କରିଥିଲେ। ପରେ ତାଙ୍କ ଉଜୁଡା ଧାନ କିଆରି ବୁଲି ଦେଇଥିଲେ ା ବର୍ଷାଭାବରୁ ଭକ୍ତବନ୍ଧୁଙ୍କ ଧାନ କ୍ଷେତର ଫସଲ ଉଜୁଡି ଯାଇଛି ା ମାଟି ଫାଟି ଅଁା କରିଛି ା ବୁଣାଧାନ ମରିଯାଇଛି ା ଭକ୍ତବନ୍ଧୁ ସମବାୟ ବ୍ୟାଙ୍କରୁ ୬୦ ହଜାର ଏବଂ ସ୍ବୟଂ ସହାୟକ ଗୋଷ୍ଠୀରୁ ୮୦ ହଜାର ଟଙ୍କା କରଜ କରିଥିତ୍ବା ପରିବାର ଲୋକେ କହିଛନ୍ତି ା ଭକ୍ତବନ୍ଧୁ ଗତବର୍ଷର କୃଷିବୀମା ଟଙ୍କା ପାଇ ନ ଥିବାବେଳେ ମରୁଡି ଇନ୍ପୁଟ ସବ୍ସିଡି ବି ପାଇ ନ ଥିବା ପରିବାର ଲୋକେ କହିଛନ୍ତି ା ଏଭଳିକି କାଳିଆ ଯୋଜନା ସହାୟତା ବି ତାଙ୍କୁ ମିଳି ନ ଥିଲା ା ଲଗାତାର ମରୁଡି ଫଳରେ ଭକ୍ତବନ୍ଧୁଙ୍କ ଅଣ୍ଟା ଭାଙ୍ଗିଯାଇଥିତ୍ଲା ଓ ସେ ଘୋର ମାନସିକ ଚାପରେ ଥିବା ପରିବାର ଲୋକେ କହିଛନ୍ତି ା ଚଳିତବର୍ଷ ନିଜର ୪ ଏକର ଜମିରେ ଭଲ ଫସଲ ଅମଳ ହେଲେ ଋଣ ପରିଶୋଧ କରିବେ ବୋଲି ଭାବିଥିଲେ ା ମାତ୍ର ଚଳିତବର୍ଷ ଖରିଫ୍ ଋତୁ ଆରମ୍ଭରୁ ଯେଭଳି ଭାବେ ମରୁଡି ଆଶଙ୍କା ଘନୀଭୂତ ହେଲାଣି ସେଥିରେ ହତୋତ୍ସାହିତ ହୋଇପଡି ସେ ଗୁରୁବାର କ୍ଷେତକୁ ଯାଇ ବିଷପାନ କରିଦେଇଥିଲେ ା ତାଙ୍କୁ ଗଁାର କେତେକ ଲୋକ ସଙ୍କଟାପନ୍ନ ଅବସ୍ଥାରେ ଉଦ୍ଧାର କରି ପ୍ରଥମେ ବଲାଙ୍ଗୀର ଓ ପରେ ବୁଲା ମେଡିକାଲକୁ ସ୍ଥାନାନ୍ତର କରିଥିଲେ ା ତେବେ ଚିକିତ୍ସିତ ଅବସ୍ଥାରେ ଗୁରୁବାର ତାଙ୍କର ସେଠାରେ ମୃତ୍ୟୁ ହୋଇଯାଇଛି। ଚାଷୀ ମୃତ୍ୟୁ ଅଭିଯୋଗ ପରେ ବରକାନୀ ଯାଇ ଡିଡିଏ ଦାସ ତଦନ୍ତ କରିଛନ୍ତି।
