ଶିକ୍ଷାଦାନ ସହ ପିଲାମାନଙ୍କୁ ହ୍ବାଟ୍ସଆପ୍ ମାଧ୍ୟମରେ କୃଷି ସମ୍ପର୍କରେ ପ୍ରଶିକ୍ଷଣ ଦେଉଛନ୍ତି କେରଳର ଶିକ୍ଷକ ସରିତା ବିଜୟ କୁମାର। ତାଙ୍କୁ ବର୍ତ୍ତମାନ ବୟସ ୪୪। ପିଲାମାନେ ଲକ୍ଡାଉନ୍ରେ ଘରେ ରହିଥିତ୍ବାରୁ ସେମାନଙ୍କୁ ହ୍ବାଟ୍ସଆପ୍ ମାଧ୍ୟମରେ ଶିକ୍ଷା ଦେବାର ଏହା ପ୍ରକୃଷ୍ଟ ସମୟ ବୋଲି ଭାବି ସେ ଏହି ପ୍ରୟାସ ଆରମ୍ଭ କରିଛନ୍ତି। ସେ କୋଚିର କାକ୍କାନାଡାସ୍ଥିତ ମାର୍ ଥୋମା ପବ୍ଲିକ ସ୍କୁଲ୍ରେ ହିନ୍ଦୀ ଶିକ୍ଷକ। ନବମ ଶ୍ରେଣୀର ୩୫ ଜଣ ପିଲାଙ୍କୁ ନେଇ ହ୍ବାଟ୍ସଆପ ଗ୍ରୁପ୍ ଖୋଲି ସେଥିରେ ଜୈବିକ କୃଷି ସମ୍ପର୍କରେ ଶିକ୍ଷା ଦେଉଛନ୍ତି। ଗତ ଦଶ ବର୍ଷ ହେବ ସରିତା ସ୍କୁଲରେ ପିଲାମାନଙ୍କ ସହଯୋଗରେ ବିଭିନ୍ନ ପରିବା ଓ ଫଳ ଚାଷ କରି ଆସୁଛନ୍ତି। ପ୍ରତିଦିନ ନବମ ଓ ଦଶମ ଶ୍ରେଣୀର ପିଲାମାନଙ୍କ ଲାଗି ଗୋଟିଏ ପିରିୟର୍ଡ କୃଷି କାର୍ଯ୍ୟ ପାଇଁ ରଖାଯାଇଛି। ସେ ପିଲାମାନଙ୍କୁ ଅନ୍ଲାଇନରେ ପଢାଇବା ପରେ ଦୈନିକ ୨ ଘଣ୍ଟା ଘର ବଗିଚାରେ କାର୍ଯ୍ୟ କରୁଛନ୍ତି।
