ନୂଆଦିଲ୍ଲୀ,୨୮।୩: କରୋନା ସଂକ୍ରମଣ ଭାରତରେ ଆତଙ୍କ ସୃଷ୍ଟି କରିଛି। ଏହାକୁ ରୋକିବା ଲାଗି ଦେଶରେ ୨୧ ଦିନିଆ ଲକ୍ ଡାଉନ୍ ଘୋଷଣା କରାଯାଇଛି। ସମ୍ପ୍ରତି ଭାରତ ସଂକ୍ରମଣ ଦ୍ୱିତୀୟ ଷ୍ଟେଜ୍ରେ ରହିଥିବାବେଳେ ତୃତୀୟ ଷ୍ଟେଜ୍କୁ ଯିବାର ଆଶଙ୍କା ଦେଖାଦେଇଛି। ତେବେ ସଂକ୍ରମିତଙ୍କୁ ଆବଶ୍ୟକ ଚିକିତ୍ସା ସେବା ଯୋଗାଇ ଦେବା ଲାଗି ଦେଶରେ ଆବଶ୍ୟକ ସୁବିଧା ସୁଯୋଗ ମଧ୍ୟ ନାହିଁ। ଗୁରୁତର କରୋନା ସଂକ୍ରମିତଙ୍କୁ ଭେଣ୍ଟିଲେଟରରେ ରଖିବାକୁ ପଡ଼ିଥାଏ। ଏପରିସ୍ଥଳେ ଭାରତରେ ପ୍ରର୍ଯ୍ୟାପ୍ତ ଭେଣ୍ଟିଲେଟର ନାହିଁ। ଏଭଳି ସ୍ଥିତି ଦେଶର ପ୍ରତି ରାଜ୍ୟରେ ରହିଛି। ଉତ୍ତରାଖଣ୍ଡରେ କୋଟିଏ ଲୋକଙ୍କ ପାଇଁ ମାତ୍ର ୩୦୮ ଭେଣ୍ଟିଲେଟର ରହିଛି। ସେଥିମଧ୍ୟରୁ ସରକାର ହସ୍ପିଟାଲରେ ପ୍ରତି କୋଟିଏ ଲୋକଙ୍କ ପିଛା ୧୬୫ ଭେଣ୍ଟିଲେଟର ଥିବାବେଳେ ଘରୋଇ ହସ୍ପିଟାଲରେ ୧୪୩ ଭେଣ୍ଟିଲେଟର ରହିଛି। ପ୍ରତିକୂଳ ସ୍ଥିତିର ସାମନା କରିବାକୁ ସରକାର ଏବେ ଚିନ୍ତାରେ ପଡ଼ିଛନ୍ତି।
