ସୁନ୍ଦରଗଡ଼,୮।୩(ଡି.ଏନ୍.ଏ.): ସୁନ୍ଦରଗଡ଼ ସରକାରୀ ମହାବିଦ୍ୟାଳୟରେ ଅନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷ ଡଃ କିଶୋର କୁମାର ଦାଶ ସ୍ବାଗତ ଅଭିଭାଷଣ ପ୍ରଦାନ କରି ମହିଳାମାନେ ଅସୀମ ବୁଦ୍ଧିମତ୍ତାର ଅଧିକାରିଣୀ ଓ ସଶକ୍ତ। ତେଣୁ ଏହି ଦିବସରେ ସେମାନଙ୍କର ଉତ୍ତରୋତ୍ତର ଉନ୍ନତି କାମନା କରୁଛି ବୋଲି କହିଥିଲେ। ସୁନ୍ଦରଗଡ଼ ବିଧାୟିକା କୁସୁମ ଟେଟେ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ସୁନ୍ଦରଗଡ଼ ସରକାରୀ ମହିଳା ମହାବିଦ୍ୟାଳୟର ଅଧ୍ୟକ୍ଷା ଡଃ ଇନ୍ଦିରା ନାଏକ ମୁଖ୍ୟବକ୍ତା ଭାବେ ଯୋଗଦେଇଥିଲେ।ଅନ୍ୟମାନଙ୍କ ମଧ୍ୟରେ ମହାବିଦ୍ୟାଳୟର ପ୍ରାଧ୍ୟାପକ ଡଃ ରାଧେଶ୍ୟାମ ଓତା, ପ୍ରାଧ୍ୟାପିକା ଡଃ ଜୟଶ୍ରୀ ଶୁକ୍ଳା, ପ୍ରାଧ୍ୟାପକ ଡଃ ଲଳିତ ରଞ୍ଜନସାହୁ, ଅଧ୍ୟାପିକା ଡଃ ସୁପ୍ରଭା ନାଏକ, ଅଧ୍ୟାପକ ପ୍ରଭାକର ସେଠୀ, ଗୀତାରାଣୀ ଦାଶ, ଅଧ୍ୟାପିକା ସୁସ୍ମିତା ଭୋଇ,ସୁଜାତା ମିଶ୍ର, କାର୍ଯ୍ୟାଳୟ ପ୍ରମୁଖ ପ୍ରଦୀପ ବହିଦାର ପ୍ରମୁଖ ଯୋଗଦେଇ ନାରୀ ଉପଯୁକ୍ତ ଶିକ୍ଷା ମାଧ୍ୟମରେ ପରିବାର ସମାଜ ଓ ରାଷ୍ଟ୍ର ନିର୍ମାଣରେ ବ୍ରତୀ ହେବା ସହ ସୃଜନାତ୍ମକ ଦକ୍ଷତାକୁ ପ୍ରତିପାଦିତ କରିବାକୁ ଆହ୍ବାନ ଦେଇଥିଲେ।
