ମୁମ୍ବାଇ,୨୧।୫(ପି.ଟି.): କୋଭିଡ୍-୧୯ ଜନିତ ଲକ୍ଡାଉନ କାରଣରୁ ସମସ୍ୟାରେ ପଡିଥିବା ମୁମ୍ବାଇ ମେଟ୍ରୋପଲିର ୨୦ ଜଣ ଅବସରପ୍ରାପ୍ତ ଅମ୍ପାୟରଙ୍କୁ ସହାୟତା କରିବାକୁ ‘କ୍ରିକେଟର୍ସ ଫାଉଣ୍ଡେଶନ’ ନାମକ ଏକ ପବ୍ଲିକ୍ ଟ୍ରଷ୍ଟ ଆଗେଇ ଆସିଛି। ଏହି କଷ୍ଟକର ସମୟରେ ସଂଘର୍ଷ କରୁଥିବା ଅମ୍ପାୟରମାନଙ୍କୁ ୪ ଲକ୍ଷ ଟଙ୍କା ପ୍ରଦାନ କରାଯାଇଛି ବୋଲି ଅଭିଜ୍ଞ କ୍ରିକେଟ ଲେଖକ ତଥା ଏହି ଟ୍ରଷ୍ଟିର ଚେୟାରମ୍ୟାନ ମକରନ୍ଦ ଓ୍ବେନଗାନ୍କର କହିଛନ୍ତି। ଅମ୍ପାୟାରମାନେ ମଧ୍ୟ ଏହି ସହାୟତା ପାଇଁ ଟ୍ରଷ୍ଟକୁ କୃତଜ୍ଞତା ଜଣାଇଛନ୍ତି। ପ୍ରତ୍ୟେକ ଅମ୍ପାୟର ୨୦,୦୦୦ ଟଙ୍କା ଲେଖାଏ ଅର୍ଥ ପାଇଛନ୍ତି। ଏହି ଟଙ୍କା ସେମାନଙ୍କ ଏକାଉଣ୍ଡକୁ ସିଧାସଳଖ ପଠାଇଦିଆଯାଇଛି ବୋଲି ମକରନ୍ଦ କହିଛନ୍ତି।
