ଲୋସେନ,୧୯।୫(ପି.ଟି.): ଟୋକିଓ ଅଲିମ୍ପିକ୍ସ କ୍ୱାଲିଫାଇଂ ଇଭେଣ୍ଟ ନେଇ ତାରିଖ ଧାର୍ଯ୍ୟ କରିବାକୁ ଅନ୍ତର୍ଜାତୀୟ ଅଲିମ୍ପିକ୍ କମିଟି (ଆଇଓସି) ସବୁ ଅନ୍ତର୍ଜତାୟ ଫେଡେଶେନଗୁଡିକୁ ନିର୍ଦ୍ଦେଶ ଦେଇଛି। କୋଭିଡ-୧୯ ମହମାରୀ କାରଣରୁ ଟୋକିଓ ଅଲିମ୍ପିକ୍ସ ଗୋଟିଏ ବର୍ଷ ଘୁଞ୍ଚିଦିଆଯାଇଛି ଓ କ୍ୱାଲିଫାଇଂ ଇଭେଣ୍ଟଗୁଡିକୁ ମଧ୍ୟ ସ୍ଥଗିତ ରଖାଯାଇଥିଲା। ଏବେ ଯୋଗ୍ୟତାପର୍ଯ୍ୟାୟ ଏହି ଇଭେଣ୍ଟଗୁଡିକର ତାରିଖ ଧାର୍ଯ୍ୟ ନେଇ ଅନ୍ତିମ ନିଷ୍ପତ୍ତି ନେବାକୁ ଆଇଓସି କହିଛି। କରୋନା ଭାଇରସ୍ର ଆତଙ୍କ ଏବେ ଜାରି ରହିଥିବାରୁ ସବୁ ପ୍ରକାର ପରିସ୍ଥିତି ଓ ଇଭେଣ୍ଟଗୁଡିକର ସମ୍ଭାବ୍ୟ ବାତିଲ ପାଇଁ ଆଗୁଆ ପ୍ରାସଙ୍ଗିକ ଯୋଜନା ଧାର୍ଯ୍ୟ କରିବାକୁ ମଧ୍ୟ ଆଇଓସି ନିର୍ଦ୍ଦେଶ ଦେଇଛି।
ଗତମାସ ଟୋକିଓ ଅଲିମ୍ପିକ୍ସର କ୍ୱାଲିଫିକେଶନ ପିରିୟଡ ପାଇଁ ଜୁନ୍ ୨୯କୁ ନୂଆ ଡେଡ୍ଲାଇନ ଭାବେ ଧାର୍ଯ୍ୟ କରିଥିଲା। ଅନ୍ତର୍ଜାତୀୟ ଫେଡେରେଶନ କ୍ୟାଲେଣ୍ଡରରେ ଅନିଶ୍ଚିତତା ପାଇଁ କେତେକ ଇଭେଣ୍ଟର ତାରିଖ ଓ ଲୋକେଶନ ନିଶ୍ଚିତ ହେବ ବୋଲି କୁହାଯାଇଛି। ସଂଶୋଧିତ କ୍ୱାଲିଫିକେଶସ ସିଷ୍ଟମ ଲାଗୁ ହେବାକୁ ଥିବାରୁ ଆଇଓସି ସ୍ପୋଟର୍ସ ଅପରେଶନ୍ସ ମ୍ୟାନେଜର ପ୍ରାସଙ୍ଗିକ ଯୋଜନା ପାଇଁ ଫେଡେରେଶନଗୁଡିକ ସହ ମିଳିତ ଭାବେ କାର୍ଯ୍ୟ କରିବ ବୋଲି କହିଛି। ଜୁଲାଇ ସୁଦ୍ଧା ସବୁ ପ୍ରକାର ଯୋଜନା ପ୍ରସ୍ତୁତ ହେବ ବୋଲି ଆଇଓସି ଆଶାପ୍ରକାଶ କରିଛି। ବିଶ୍ୱର ସ୍ବାସ୍ଥ ସଙ୍କଟ ଓ ପରିସ୍ଥିତିକୁ ଦୃଷ୍ଟିରେ ରଖି ସବୁ ଯୋଜନା ପ୍ରସ୍ତୁତ କରାଯିବ। ଆଇଓସିର ସ୍ପୋଟର୍ସ ବିଭାଗ ଓ ଅନ୍ତର୍ଜାତୀୟ ଫେଡେରେଶନଗୁଡିକ ମିଳିତ ଭାବେ ଆଇଓସି କାର୍ଯ୍ୟକାରୀ ବୋର୍ଡର ଦ୍ୱାରା ଅନୁମୋଦିତ ହୋଇଥିବା ଆବଶ୍ୟକୀୟ କ୍ୱାଲିଫିକେଶନ ସିଷ୍ଟମ ଲାଗୁ କରିବ। ଏଥି ସହିତ ଆଇଓସି ଟୋକିଓ ଅଲିମ୍ପିକ୍ସ ପାଇଁ ଅଧିକ ଖର୍ଚ୍ଚ ନ କରିବାକୁ ପ୍ରୟାସ କରିବ ବୋଲି କହିଛି।
