Posted inଖେଳ

ଅଲିମ୍ପିକ୍‌ କ୍ୱାଲିଫାୟର୍ସ: ଭାରତୀୟ ଦଳରେ ବକ୍ସର ବିକାଶ

ବେଙ୍ଗାଲୁରୁ, ୩୦।୧୨(ପି.ଟି.)- ପ୍ରତ୍ୟାବର୍ତ୍ତନରେ ଭାରତୀୟ ବକ୍ସର ବିକାଶ କ୍ରିଷନ ଦମ୍‌ଦାର ପ୍ରଦର୍ଶନ କରିଛନ୍ତି। ଏଠାରେ ଚାଲିଥିବା ଫାଇନାଲ ଟ୍ରାଏଲ ବାଉଟ୍‌ରେ ବିଜୟୀ ହୋଇ ବିକାଶ ଆସନ୍ତାବର୍ଷ ଟୋକିଓରେ ଆୟୋଜନ ହେବାକୁ ଥିବା ଟୋକିଓ ଅଲିମ୍ପିକ୍ସ କ୍ୱାଲିଫାୟର୍ସ ପାଇଁ ଭାରତୀୟ ବକ୍ସିଂ ଦଳରେ ସ୍ଥାନ ପାଇଛନ୍ତି। ପୂର୍ବତନ ବିଶ୍ୱ ଚାମ୍ପିୟନଶିପ୍‌ ଓ ଏସିଆନ ଗେମ୍ସ ପଦକ ବିଜେତା ବିକାଶ ୭୫ କେ.ଜି. ମିଡିଲଓ୍ବେଟ ବର୍ଗରେ ଦୀର୍ଘଦିନ ଧରି ପ୍ରତିଯୋଗିତାରେ ଅବତୀର୍ଣ୍ଣ ହୋଇ ଆସୁଥିଲେ। ତେବେ ସେ ବର୍ତ୍ତମାନ ବ୍ୟାକ୍‌ ଇଞ୍ଜୁରୀରୁ ସୁସ୍ଥ ହୋଇ ୬୯ କେ.ଜି.କୁ ପ୍ରତ୍ୟାବର୍ତ୍ତନ କରି ଅଲିମ୍ପିକ୍‌ କ୍ୱାଲିଫାୟର୍ସ ଦଳରେ ସ୍ଥାନ ପାଇଛନ୍ତି।
ଦୁଇଥର ଅଲିମ୍ପିକ୍‌ରେ ଅଂଶଗ୍ରହଣ କରିଥିବା ୨୬ ବର୍ଷୀୟ ବିକାଶ ଟ୍ରାଏଲ ଫାଇନାଲ୍ସରେ ଜାତୀୟ ପଦକ ବିଜେତା ଦୁର୍ଯ୍ୟୋଧନ ସିଂ ନେଗୀଙ୍କୁ ସର୍ବସମ୍ମତି ନିଷ୍ପତ୍ତିରେ ପରାସ୍ତ କରି ଏସିଆ/ ଓସେନିଆ ଜୋନ୍‌ କ୍ୱାଲିଫାୟର୍ସ ଚାଇନାରେ ଆସନ୍ତା ଫେବୃୟାରୀ ୩ରୁ ୧୪ ତାରିଖ ମଧ୍ୟରେ ଆୟୋଜନ ହେବ। ବିକାଶଙ୍କ ସମେତ ରାଜ୍ୟଗୋଷ୍ଠୀ କ୍ରୀଡ଼ା ପଦକ ବିଜେତା ଗୌରବ ସୋଲାଙ୍କି (୫୭ କେ.ଜି.) ଓ ନମନ ତନଓ୍ବାର (୯୧ କେ.ଜି.) ମଧ୍ୟ ଅଲିମ୍ପିକ୍ସ କ୍ୱାଲିଫାୟର୍ସ ଦଳରେ ସ୍ଥାନ ପାଇଛନ୍ତି। ସୋଲାଙ୍କି ମହମ୍ମଦ ହୁସାମୁଦ୍ଦିନଙ୍କୁ ଓ ତନଓ୍ବାର ନବୀନ କୁମାରଙ୍କୁ ହରାଇଛନ୍ତି। ବିଭାଜିତ ନିଷ୍ପତ୍ତି ବା ସ୍ପ୍ଲିଲ୍ଟ ଭର୍ଡିକ୍ଟ ବା ବିଭାଜିତ ନିଷ୍ପତ୍ତିରେ ଦୁହେଁ ବାଉଟ୍‌ରେ ବିଜୟୀ ହୋଇଥିଲେ।
ପୂର୍ବରୁ ରବିବାର ୭୫ କେ.ଜି. ବର୍ଗରେ ଆଶିଷ କୁମାର ଓ + ୯୧ କେ.ଜି. ବର୍ଗରେ ଅଭିଜ୍ଞ ସତୀଶ କୁମାର ଓ ୮୧ କେ.ଜି. ବର୍ଗରେ ସଚିନ କୁମାର ଅଲିମ୍ପିକ କ୍ୱାଲିଫାୟର୍ସ ଦଳରେ ସ୍ଥାନ ପାଇଥିଲେ। ଆଶିଷ ଜାତୀୟ ଚାମ୍ପିୟନ ତଥା ସାଉଥ୍‌ ଏସିଆନ ଗେମ୍ସ ସ୍ବର୍ଣ୍ଣ ପଦକ ବିଜେତା ଅଙ୍କିତ ଖାଟାନାଙ୍କୁ ହରାଇଥିଲେ। ସେହିପରି ରାଜ୍ୟଗୋଷ୍ଠୀ ଓ ଏସିଆନ ଗେମ୍ସ ପଦକ ବିଜେତା ସତୀଶ ପ୍ରତିପକ୍ଷ ନରେନ୍ଦରଙ୍କୁ ହରାଇଛନ୍ତି। ଅନ୍ୟପଟେ ସଚିନ ବ୍ରିଜେଶ ଯାଦବଙ୍କୁ ହରାଇ ଅଲିମ୍ପିକ କ୍ୱାଲିଫାୟର୍ସ ଦଳରେ ସ୍ଥାନ ପାଇଛନ୍ତି।
ଏସିଆ- ଓସେନିଆ ଅଲିମ୍ପିକ କ୍ୱାଳିଫାୟର୍ସ ପାଇଁ ଭାରତୀୟ ଦଳ:
ଅମିତ ପଙ୍ଘାଲ (୫୨ କେ.ଜି.), ଗୌରବ ସୋଲାଙ୍କି (୫୭ କେ.ଜି.), ମନୀଷ କୌଶିକ (୬୩ କେ.ଜି.), ବିକାଶ କ୍ରିଷନ (୬୯ କେ.ଜି.), ଆଶିଷ କୁମାର (୭୫ କେ.ଜି.), ସଚିନ କୁମାର (୮୧ କେ.ଜି.), ନମନ ତନଓ୍ବାର (୯୧ କେ.ଜି.) ଓ ସତୀଶ କୁମାର (+୯୧ କେ.ଜି.)।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ହକିରେ ଇତିହାସ ରଚିଲା ଓଡ଼ିଶା: ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୬ା୧୧(ସରୋଜ ଜେନା): ଚେନ୍ନାଇରେ ଅନୁଷ୍ଠିତ ୧୪ତମ ଜାତୀୟ ସିନିୟର ହକି ଚାମ୍ପିୟନଶିପ୍‌ରେ ଶନିବାର ହରିୟାଣାକୁ ୫-୧ରେ ହରାଇ ଓଡ଼ିଶା ପ୍ରଥମ ଥର ଚାମ୍ପିୟନ ଆଖ୍ୟା ଅର୍ଜନ...

ପାକିସ୍ତାନର ମନ୍ଦ ଉଦ୍ଦେଶ୍ୟକୁ ନେଇ ଆଇସିସିର ବଡ଼ ଘୋଷଣା: ଭାରତ ଆସିବ ଚାମ୍ପିଅନ୍ସ ଟ୍ରଫି…

ନୂଆଦିଲ୍ଲୀ,୧୬।୧୧: ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ର କାର୍ଯ୍ୟସୂଚୀକୁ ଉତ୍ସାହର ସହିତ ଅପେକ୍ଷା କରିଛି। ଏହି ଟୁର୍ନାମେଣ୍ଟକୁ ପାକିସ୍ତାନ ଆୟୋଜନ କରିବାକୁ ଥିବା ବେଳେ ପାକିସ୍ତାନ...

ଟିମ୍‌ ଇଣ୍ଡିଆରେ ଆଉ ନଜର ଆସିବେନି ସୂର୍ଯ୍ୟକୁମାର ଯାଦବ! ମନେ ପକାଇବେ ପ୍ରଶଂସକ, ଏ ହେଉଛି କାରଣ…

ନୂଆଦିଲ୍ଲୀ,୧୬।୧୧: ସୂର୍ଯ୍ୟକୁମାର ଯାଦବଙ୍କ ଅଧିନାୟକତ୍ୱରେ ଟିମ୍‌ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ସ୍ମରଣୀୟ ପାଲଟିଛି। ଦଳ ୪ ମ୍ୟାଚ୍‌ର ଟି୨୦ ସିରିଜର ୩-୧ରେ ବାଜି ମାରିଛି।...

ମାର୍କ କିଙ୍ଗ୍‌ ୫ ବର୍ଷ ବାସନ୍ଦ

ଶିଫିଲ୍ଡ, ୧୬ା୧୧ (ଏପି): ଇଂଲିଶ ସ୍ନୁକର ଖେଳାଳି ମାର୍କ କିଙ୍ଗ୍‌ଙ୍କୁ ଶୁକ୍ରବାର ୫ ବର୍ଷ ବାସନ୍ଦ କରାଯାଇଛି। ମ୍ୟାଚ ଫିକ୍ସିଂ କରିବା ଓ ଟୁର୍ନାମେଣ୍ଟର ଭିତିରି...

ଆଇପିଏଲ୍‌ ନିଲାମିରେ ୫୭୪ ଖେଳାଳି

ନୂଆଦିଲ୍ଲୀ, ୧୬ା୧୧ (ପି.ଟି.): ଆଗାମି ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ୨୦୨୫ ପାଇଁ ଖେଳାଳି ନିଲାମି ନଭେମ୍ବର ୨୪ ଓ ୨୫ରେ ସାଉଦି ଆରବର ଜେଦାହଠାରେ...

ରୋହିତ ଶର୍ମାଙ୍କ ବଡ଼ ରେକର୍ଡ ଭାଙ୍ଗିଦେଲେ ତିଳକ ବର୍ମା

ସେଞ୍ଚୁରିୟନ୍‌,୧୬।୧୧: ତିଳକ ବର୍ମା ଦକ୍ଷିଣ ଆଫ୍ରିକା ବିପକ୍ଷରେ ବିସ୍ଫୋରକ ପ୍ରଦର୍ଶନ କରି କ୍ରମାଗତ ଦ୍ୱିତୀୟ ଶତକ ହାସଲ କରିଛନ୍ତି। ଟି-୨୦ ସିରିଜର ଚତୁର୍ଥ ମ୍ୟାଚ୍‌ରେ ଟିମ...

ଦ୍ଵିତୀୟ ଥର ପାଇଁ ବାପା ହେଲେ ରୋହିତ ଶର୍ମା

ନୂଆଦିଲ୍ଲୀ,୧୬/୧୧: ଖୁସି ଖବର ଦେଲେ ଭାରତୀୟ କ୍ରିକେଟର ରୋହିତ ଶର୍ମା। ସେ ଦ୍ଵିତୀୟ ଥର ପାଇଁ ବାପା ହୋଇଛନ୍ତି। ତାଙ୍କ ସ୍ତ୍ରୀ ରିତିକା ଏକ ପୁତ୍ର...

ପାଞ୍ଚ ମ୍ୟାଚରେ ତିନି ଶତକ ସହିତ ଅନେକ ରେକର୍ଡ ଭାଙ୍ଗିଲେ ସାମସନ୍: ପଛରେ ପଡିଲେ ଧୋନୀ, ପନ୍ତ, ରାହୁଲ ଏବଂ ଇଶାନ୍

ନୂଆଦିଲ୍ଲୀ,୧୪ା୧୧: ଭାରତ ଏବଦଖିଣ ଆଫ୍ରିକା ମଧ୍ୟରେ ଚାଲିଥିବା ଚାରି ମ୍ୟାଚ୍ ବିଶିଷ୍ଟ ଟି୨୦ ଅନ୍ତର୍ଜାତୀୟ ସିରିଜର ଚତୁର୍ଥ ମୁକାବିଲାରେ ଭାରତୀୟ ବ୍ୟାଟରମାନେ ଅନେକ ରେକର୍ଡ ଭାଙ୍ଗିଛନ୍ତି।...

Advertisement
Dharitri Youth Conclave 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri