ଦବଙ୍ଗ ଷ୍ଟାର ସଲମାନ୍ ଖାନ୍ଙ୍କ ଅଭିନୀତ ଫିଲ୍ମ ‘ଦବଙ୍ଗ-୩’ ଆଗାମୀ ଡିସେମ୍ବରରେ ରିଲିଜ୍ ହେବ। ତେବେ ଇତିମଧ୍ୟରେ ତାଙ୍କ ଅଭିନୀତ ଆଉ ଏକ ସିନେମା ‘ରାଧେ’ର ମୋଶନ ପୋଷ୍ଟର ମଧ୍ୟ ସମ୍ମୁଖକୁ ଆସିଛି। ନିଜେ ସଲମାନ୍ ଇନ୍ଷ୍ଟାଗ୍ରାମ୍ରେ ୧ ମିନିଟର ଏକ ମୋଶନ ପୋଷ୍ଟର ଶେୟାର କରିଛନ୍ତି। ଏହି ପୋଷ୍ଟରର ପ୍ରଥମ ଅଧା ମିନିଟରେ ସଲମାନ୍ଙ୍କୁ ‘ଦବଙ୍ଗ-୩’ ପୋଲିସ ଅଫିସର ଚୁଲବୁଲ ପାଣ୍ଡେ ଭୂମିକାରେ ଦେଖିବାକୁ ମିଳୁଥିବା ବେଳେ ଦ୍ୱିତୀୟ ଅଧା ମିନିଟରେ ‘ରାଧେ’ର ଝଲକ୍ ଦେଖିବାକୁ ମିଳୁଛି। ଏହାକୁ ସଲମାନ୍ ସେୟାର କରିବା ସହ ଲେଖିଛନ୍ତି, ଆପଣମାନେ ପଚାରୁଥିଲେ ‘ଦବଙ୍ଗ-୩’ ପରେ କ’ଣ ଆସିବ? ଉତ୍ତରରେ ‘ରାଧେ’ ଆସିବ ବୋଲି ସଲମାନ୍ ଲେଖି ତାଙ୍କ ପ୍ରଶଂସକଙ୍କୁ ଜଣାଇଛନ୍ତି।
ତେବେ ‘ରାଧା’ କୋରିଆ ସିନେମା ‘ଦି ଆଉଟଲଜ୍’ର ହିନ୍ଦୀ ରିମେକ୍ ହେବ। ଏହାର ନିର୍ଦ୍ଦେଶନା ପ୍ରଭୁ ଦେବା ଦେବେ ବୋଲି ଜଣାପଡ଼ିଛି।
