ଭୁବନେଶ୍ୱର,୧ା୬(ବ୍ୟୁରୋ): ଯାତ୍ରୀଙ୍କ ଦାବିକୁ ସବୁବେଳେ ଗୁରୁତ୍ୱ ଦେଇ ଆସିଛି ମୋ ବସ୍ ପରିଚାଳନା ଦାୟିତ୍ୱରେ ଥିବା କ୍ୟାପିଟାଲ ରିଜିଅନ ଅର୍ବାନ୍ ଟ୍ରାନ୍ସପୋର୍ଟ (କ୍ରୁଟ୍)। କରୋନା ସମୟରେ ମଧ୍ୟ ଏହାକୁ ପ୍ରାଥମିକତା ଦେଇ କଟକ, ଖୋର୍ଦ୍ଧା ଓ ଭୁବନେଶ୍ୱରର ୭ଟି ରୁଟ୍ରେ ମୋ ବସ୍ ଚଳପ୍ରଚଳ କରୁଛି। ରୁଟ୍ ନଂ.୧୦ରେ ମୋ ବସ୍ଟି ଭୁବନେଶ୍ୱର ବିମାନବନ୍ଦରରୁ ବାହାରି ଏଜି ଛକ ପରେ ନନ୍ଦନକାନନ ଦେଇ କଟକ ସିଡିଏ ପର୍ଯ୍ୟନ୍ତ ଯାତାୟାତ କରେ। ବର୍ତ୍ତମାନ ଯାତ୍ରୀଙ୍କ ଦାବି ଅନୁଯାୟୀ ଉକ୍ତ ରୁଟ୍ରେ ବସ୍ ଚଳାଚଳ ବନ୍ଦ କରି ରୁଟ୍ ନଂ.୧୮ରେ ମୋ ବସ୍ ଚାଲିବ। ଏହି ରୁଟ୍ରେ ମୋ ବସ୍ଟି ବରମୁଣ୍ଡାରୁ ବାହାରି ଜଗତପୁର ଗସ୍ତ କରିବ। ସକାଳ ୭ରୁ ରାତି ୭ ଯାଏ ଏହି ରୁଟ୍ରେ ମୋ ବସ୍ ସେବା ଉପଲବ୍ଧ ହେବ ବୋଲି କ୍ରୁଟ୍ ପକ୍ଷରୁ ଟୁଇଟ୍ ଯୋଗେ ସୂଚନା ଦିଆଯାଇଛି।
