ଘଣ୍ଟାପଡା,୧୬।୫ (ଡି.ଏନ.ଏ.): ବୌଦ୍ଧ ଜିଲା କଣ୍ଟାମାଳ ବ୍ଲକ ରୁଣ୍ଡିମହୁଲ ପଞ୍ଚାୟତର ଶୂଳିଆ, ନୂଆପାଲି ସମେତ ଆଖପାଖ ଗାଁ ଗୁଡିକର ଅନେକ ଲୋକ ତାମିଲନାଡୁରେ କାମ କରୁଛନ୍ତି। ହେଲେ ଲକଡାଉନ୍ ଯୋଗୁ କାମ ବନ୍ଦ ହୋଇଯିବାରୁ ଏମାନେ କାମ କାମରୁଥିବା କମ୍ପାନୀରେ ଫସି ରହଛନ୍ତି। ଓଡିଶାକୁ ଫେରିବା ପାଇଁ ଏମାନଙ୍କ ପରିବାର ପକ୍ଷରୁ ଅନ୍ଲାଇନ୍ରେ ପଞ୍ଜୀକରଣ କରାଯାଇଛି। ହେଲେ ସରକାରଙ୍କ ପକ୍ଷରୁ କୌଣସି ଉତ୍ତର ମିଳିନି। ଅନ୍ୟପଟେ କମ୍ପାନୀ ମାଲିକ ଏମାନଙ୍କୁ ବାହାର କରି ଦେଇଥିଲେ। ଏମାନେ ଚାଲି ଚାଲି ରାସ୍ତାରେ ଆସୁଥିବା ବେଳେ ପୋଲିସ ଡାକି ନେଇ ପୁଣି ସେହି କମ୍ପାନୀରେ ଥଇଥାନ କରିଛି। ଦିନ ମଜୁରିଆ ଭାବେ କାମ କରୁଥିବା ଏହି ଶ୍ରମିକଙ୍କ ପାଖରେ ଚଳିବାକୁ ଟଙ୍କା ନାହିଁ। ଏମାନଙ୍କ ସହ ସୁବର୍ଣ୍ଣପୁର, ବଲାଙ୍ଗୀର, ବରଗଡ, ସମ୍ବଲପୁର ଆଦି ଜଲାର ମିଶି ପ୍ରାୟ ୩୦ଜଣ ଶ୍ରମିକ ଘରକୁ ଫେରିବାକୁ ଚାହୁଁଥିଲେ ମଧ୍ୟ ଫେରି ପାରୁନାହାନ୍ତି। ସେମାନଙ୍କୁ ଫେରାଇନେବା ପାଇଁ ଶ୍ରମିକମାନେ ଏକ ଭିଡିଓ ଜରିଆରେ ନିବେଦନ କରିଛନ୍ତି। ସେମାନେ ସେଠାରେ ବହୁ ଅସୁବିଧାର ସମ୍ମୁଖୀନ ହେଉଥିବା ଜଣାଇଛନ୍ତି। ଅବଶ୍ୟ ଜିଲା ପ୍ରଶାସନର କାନରେ ଏହି ଖବର ପଡ଼ିଛି। ବୌଦ୍ଧ ଜିଲାପାଳ ଲଲାଟେନ୍ଦୁ ମିଶ୍ର ଏମାନଙ୍କୁ ଫେରାଇ ଅଣାଯିବା ନେଇ ପ୍ରତିଶ୍ରୁତି ଦେଇଛନ୍ତି।
