ଆହତ ପ୍ରାଣୀଙ୍କ ପାଇଁ ଦେବଦୂତ ସାଜିଛନ୍ତି ଅଦିତି ନାୟର। ସେ ମାଇଁପଲ୍ କ୍ଲବ୍ ଏନଜିଓ ଗଠନ କରି ରାସ୍ତାରେ ଆହତ ହେଉଥିବା ପ୍ରାଣୀମାନଙ୍କ ଚିକିତ୍ସା କରୁଛନ୍ତି। ଆହତ ବିଲେଇ, କୁକୁର, ପକ୍ଷୀ, ଗଧ ଓ ଗାଈମାନଙ୍କୁ ଚିକିତ୍ସା ଦେଇ ସୁସ୍ଥ କରିବା ପରେ ସେମାନଙ୍କୁ ପୋଷ୍ୟ ଭାବେ ଗ୍ରହଣ କରିବାର ବ୍ୟବସ୍ଥା ବି କରିଛନ୍ତି। ଲୋକେ ଏଭଳି ୩୦୦୦ ପ୍ରାଣୀଙ୍କୁ ନେଇ ଘରେ ପାଳିଛନ୍ତି। ୨୦୧୦ରେ ଏମବିଏ ଡିଗ୍ରୀ କରୁଥିବା ସମୟରେ ଅଦିତି ଠାଣେର କିଛି ଲୋକଙ୍କୁ ନେଇ ପ୍ରଥମେ ପ୍ରାଣୀ ସେବା ଆରମ୍ଭ କରିଥିଲେ। ପରେ ୨୦୧୪ରେ ସେ ମାଇଁପଲ କ୍ଲବ ଗଠନ କରିଥିଲେ। ୨୦୧୭ରେ ସେ ଏକ ମୋବାଇଲ ମେଡିକାଲ ୟୁନିଟ ଆରମ୍ଭ କରିଥିଲେ। ଏଥିରେ ଆମ୍ବୁଲାନ୍ସରେ ଭେଣ୍ଟିଲେଟର ଓ ଚିକିତ୍ସା ଉପକରଣ ରଖାଯାଇଛି। ଟିମରେ ପାରା ଭେଟେରିନାରି କର୍ମୀ, ଡ୍ରାଇଭର ରହୁଛନ୍ତି। ତିନୋଟି ଆମ୍ବୁଲାନ୍ସରେ ୧୭ ଜଣ ରହନ୍ତି। ଦିନକୁ ୪୫ରୁ ୫୦ ପ୍ରାଣୀଙ୍କ ହିସାବରେ ମାସକୁ ପ୍ରାୟ ୧୦୦୦ ପ୍ରାଣୀଙ୍କ ଚିକିତ୍ସା କରୁଛନ୍ତି। ଏବେ ସୁଦ୍ଧା ଅଦିତି ଓ ତାଙ୍କ ଟିମ୍ ୪୦,୦୦୦ ପ୍ରାଣୀଙ୍କ ଚିକିତ୍ସା କରିସାରିଲେଣି। ତାଙ୍କ ଟିମରେ ୧୭ ଜଣ ଅଛନ୍ତି।
