ନୂଆଦିଲ୍ଲୀ,୨୧।୫: ଲୋକ ସଭା ନିର୍ବାଚନ ସରିଥିବା ବେଳେ ଫଳଫଳ ଘୋଷଣା ହେବାକୁ ଆଉ ମାତ୍ର ଗୋଟିଏ ଦିନ ବାକି ରହିଛି। ଏପଟେ ଗଣମାଧ୍ୟମର ଏକ୍ଜିଟ୍ ପୋଲ୍ ପ୍ରମୁଖ ଦଳ ଗୁଡିକର ମୁଣ୍ଡ ବିଗାଡିଛି। ଏହି ସମୟରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା କଂଗ୍ରେସ କର୍ମୀଙ୍କୁ ଶାନ୍ତ ରହିବାକୁ ଅନୁରୋଧ କରିଛନ୍ତି। ସୋମବାର ଏକ ଅଡିଓ ଜାରି କରି ସେ କହିଛନ୍ତି ଏକ୍ଜିଟ୍ ପୋଲ୍ ଉପରେ ବିଶ୍ୱାସ ନ କରି ବରଂ ଅସଲ ଫଳାଫଳକୁ ଅପେକ୍ଷା ରଖିବା ଭଲ। ଏହି ସମୟରେ ଚୁପ୍ ରହିବା ସବୁଠାରୁ ବୁଦ୍ଧିମାନର ପରିଚୟ ବୋଲି ସେ କହିଛନ୍ତି। ଏହାସହ ଷ୍ଟ୍ରଙ୍ଗ ରୁମ୍ ଓ ମତଗଣନା କେନ୍ଦ୍ର ନିକଟରେ ରହିବାକୁ ସେ ପରାମର୍ଶ ଦେଇଛନ୍ତି। କର୍ମକର୍ତ୍ତାଙ୍କ ବିଶ୍ୱାସ ବଢାଇବାକୁ ଯାଇ ସେ କହିଛନ୍ତି, ଆମମାନଙ୍କ କର୍ମର ଫଳ କେବେ ବେକାର ଯିବନି। ସୂଚନାଯୋଗ୍ୟ, ଏକ୍ଜିଟ୍ ପୋଲ୍ର ଆକଳନକୁ ଦେଖିଲେ ଏଥର ପୁଣି ଏନ୍ଡିଏ ସରକାର ଶାସନ କ୍ଷମତା ହାତେଇବ ବୋଲି କୁହାଯାଉଛି।
