ଭାରତର ବିଭିନ୍ନ ମନ୍ଦିରରରେ ଭିନ୍ନ ଭିନ୍ନ ପରମ୍ପରା ପ୍ରଚଳିତ। କେଉଁଠି ଦେବୀ ଦେବତାଙ୍କୁ ଫୁଲ ତଥା ବିଭିନ୍ନ ନୈବେଦ୍ୟ ଅର୍ପଣ କରାଯାଉଥିବାବେଳେ ଅନ୍ୟ କେଉଁଠି ଭିନ୍ନ ଭିନ୍ନ ପଦାର୍ଥ ଅର୍ପଣ କରାଯାଏ। କର୍ନାଟକ ଗୁଲବର୍ଗ ଜିଲାର ଆଳନ୍ଦ ତହସିଲ୍ର ଗୋଲା ଗାଁରେ ରହିଛି ଲକମ୍ମା ଦେବୀଙ୍କ ମନ୍ଦିର। ଏଠାରେ ଶ୍ରଦ୍ଧାଳୁ ମାନସିକ ପୂରଣ ପାଇଁ ଚପଲ ମାଳ ଅର୍ପଣ କରିଥାନ୍ତି। ଦୀପାବଳୀ ପରେ ପଡୁଥିବା ଶୁକ୍ଳ ପଞ୍ଚମୀରେ ଏଠାରେ ବଡ଼ ମେଳା ବସେ। ଦେଶ ବିଦେଶରୁ ଶ୍ରଦ୍ଧାଳୁ ମେଳାରେ ଯୋଗ ଦିଅନ୍ତି। ଅର୍ପଣ କରାଯାଇଥିବା ଚପଲ ମାତା ରାତିରେ ପିନ୍ଧି ବୁଲିବା ସହିତ ଶ୍ରଦ୍ଧାଳୁଙ୍କ ମାନସିକ ପୂରଣ କରିଥାନ୍ତି ବୋଲି ସ୍ଥାନୀୟ ଲୋକେ ବିଶ୍ୱାସ କରନ୍ତି। ଅତି ପ୍ରାଚୀନ କାଳରୁ ଏଠାରେ ଏହି ପରମ୍ପରା ପ୍ରଚଳିତ ହେଉଥିବା ଲୋକେ କୁହନ୍ତି। ଏଠାରେ ଉଭୟ ହିନ୍ଦୁ ମୁସଲମାନ୍ ସମ୍ପ୍ରଦାୟ ଦେବୀ ମାତାଙ୍କୁ ପୂଜା କରିଥାନ୍ତି।
